Қалин қор ёққани сабабли 8 февраль куни соат 00:50 дан А-373 халқаро автомобиль йўлининг Қамчиқ довони қисми автомобиллар ҳаракати учун вақтинча ёпилди. Бу ҳақда ФВВ матбуот хизмати хабар берди.
![](/static/2023/Fozilbek/photo_2024-02-08_08-19-21.jpg)
Қайд этилишича, вазирлик раҳбарлигида тегишли ташкилотларнинг мутахассислари томонидан вазият оқибатларини бартараф этиш борасида профилактик тадбирлар амалга оширилмоқда.
Хусусан, довон йўлини махсус техникалар ёрдамида қордан тозалаш чораси кўрилмоқда.
“Ўзгидромет” 7−8 февраль кунлари Қамчиқ довонида қор ёғиши, вақти-вақти билан кучли ёғингарчилик ва туман кузатилиши, кўринувчанлик 50 метргача пасайиши мумкинлиги ҳақида хабар берганди. Шунингдек, 7-8 февраль кунлари А-373 Тошкент—Ўш автойўлининг Қамчиқ довонидан ўтган қисмида қор ёғиши, вақти-вақти билан кучли ёғингарчилик ва туман кузатилиши, кўринувчанлик 50 метргача пасайиши, шамол тезлиги 15-20 метр/секундгача кучайиши натижасида автойўлда яхмалак ва қор уюмлари юзага келишига олиб келиши мумкинлиги айтилган эди.