Қамчиқ довонида 28 сентябрь куни юк машинасида ёнғин содир бўлди. Бу ҳақда Фавқулодда вазиятлар вазирлиги хабар бермоқда.
Қайд этилишича, соат 18:34 да А-373 автомобиль йўлининг 256-километри — Қамчиқ довони қисмида Тошкент–водий йўналишда ҳаракатланиб кетаётган юк автомашинасида ёнғин содир бўлгани тўғрисида «Қамчиқ» махсус қидирув, ёнғин-қутқарув бошқармасига хабар келиб тушган.
Зудлик билан воқеа жойига махсус қидирув, ёнғин-қутқарув бошқармаси қутқарувчилари, 2 та ёнғин-қутқарув экипажи етиб борган. Ҳозирда ёнғин бартараф этилмоқда. Вазият назоратга олинган. Ҳодиса оқибатида тан жароҳати олиш ва ҳалок бўлиш ҳолатлари қайд этилмади.
Изоҳ (0)