А-373 Тошкент—Ўш автомобиль йўлининг Қамчиқ довони ҳудудида 21 апрель куни юк машинаси хандаққа тушиб кетди. Бу ҳақда Фавқулодда вазиятлар вазирлиги хабар қилди.
Қайд этилишича, шу куни соат 15:30 да довоннинг 199-километрида Водий—Тошкент йўналишида ҳаракатланиб кетаётган DAF юк автомашина ҳайдовчиси бошқарувни йўқотиб, йўл четидаги хандаққа (кювет) кабина қисми билан тушиб қолган. Ҳодиса оқибатида тан жароҳати олганлар ва ҳалок бўлганлар йўқ.
Воқеа жойига зудлик билан «Қамчиқ» махсус қидирув, ёнғин-қутқарув бошқармаси қутқарувчилари етиб бориб, тегишли хизматлар билан ҳамкорликда махсус техникалар ёрдамида юк автомашинасини хандақдан чиқариб олган.
Изоҳ (0)