Қамчиқда Тошкент—Водий йўналишида ҳаракатланган юк автотомобили ағдарилиб кетди. ФВВ ҳолат юзасидан маълумот берди.
Унга кўра, 18 июнь А-373 автомобиль йўлининг “Қамчиқ” довони қисми 266,4 километрида Тошкент—Водий йўналишида ҳаракатланган юк автотомобили ҳайдовчиси бошқарувни йўқотиши натижасида, йўл четидаги хандаққа тушиб, ёнбошлаб қолган.
Воқеа жойига “Қамчиқ” махсус қидирув, ёнғин-қутқарув бошқармаси қутқарувчилари ҳамда ЙПХ ходимлари етиб борган ва автомобилда юзага келиши мумкин бўлган ёнғиннинг олди олиниб, ҳайдовчи ва йўловчининг ҳаёти сақлаб қолинган. Шундан сўнг, биринчи тиббий ёрдам кўрсатилиб, Поп туман шифохонасига олиб кетилган.
Изоҳ (0)