“Ливерпуль”нинг собиқ бош мураббийи Юрген Клопп “қизиллар”нинг Чемпионлар Лигаси финалида “Реал” билан ўйиндаги мағлубиятини эслади.
“2022 йилги Чемпионлар Лигаси финалида Куртуа жуда яхши ўйнади. Мен ҳеч қачон бу ўйин қандай бўлганини тушунтира олмайман. Қандай қилиб биз ютқаздик?! Мен ҳеч қачон “Реал Мадрид”дек босимдан ҳимоялана олган жамоани учратмаганман.
“Реал”га қарши ўйинга тайёргарлик кўриш қийин бўлганмиди? Бу жуда қийин эди. “Қироллик клуби”га қарши туриш учун жуда кўп индивидуал фазилатлар ва ақл бовар қилмайдиган хотиржамлик керак”, дея Клоппнинг сўзларини келтиради Мадрид Зоне Х (собиқ Twitter) ижтимоий тармоғида.
У бу гапларни Тони Кроос подкастидаги суҳбат чоғида маълум қилган.
Маълумот учун, учрашув “қаймоқранглилар”нинг 1:0 ҳисобидаги ғалабаси билан якунланди.
Клопп 2015 йилдан 2024 йилгача “Ливерпуль”ни бошқарган. “Ливерпуль” билан у Чемпионлар Лигаси, Премьер Лига чемпионлиги ва бошқа совринларни қўлга киритди. 1 январдан Клопп “Red Bull” футбол операциялари бўйича глобал раҳбарига айланади.
Изоҳ (0)