“Айнтрахт” ярим ҳимоячиси Марио Гётце Дортмунднинг “Боруссия”сидан “Бавария”га ўтганини эслади. Футболчининг трансфери 2013 йилнинг апрелида маълум бўлганди.
-r9RHNKtA.jpg)
“Мен Дортмунд стадиони қандай ҳайқирганини ҳеч қачон унутмайман. Бир куни 50-60 нафар безорилар мени ҳақорат қилиш учун машғулотимизга келганди.
Ўшанда мен 20 ёшда эдим ва турли таҳлилларимга асосланиб, “Бавария”га ўтишга қарор қилгандим. Мен Дортмундда, жумладан, Юрген Клопп даврида ажойиб даврни ўтказдим. Аммо бу менинг профессионал футболчилик фаолиятимда кўрган ягона нарса эди. Мен янада ривожланишни хоҳлардим”, — деди Гётце ZeitMagazin нашрига берган интервьюсида.
2013—2016 йилларда “Бавария” сафида тўп сурган германиялик футболчи яна “Боруссия”га қайтган ва 4 мавсум Дортмунд клубида ўйнаган. Шундан сўнг, 2 йил давомида Нидерландиянинг “ПСВ” клубида тўп сурган футболчи 2022 йилда яна Германия қайтади. Футболчи ҳозиргача “Айтрахт” клубида ўйнаб келмоқда.
Изоҳ (0)