“Манчестер Сити” бош мураббийи Пеп Гвардиола Англия Премьер Лигасининг 38-тури доирасидаги “Вест Ҳэм Юнайтед”га (3:1) қарши ўйиндан кейин ўтказилган матбуот анжуманида немис мутахассиси Юрген Клоппнинг “Ливерпуль”ни тарк этиши ҳақидаги саволга жавоб бериш пайтида эҳтиросларини яшира олмади.
“Мен уни жуда соғинаман... Юрген Клопп ҳаётимнинг ҳақиқатан ҳам муҳим қисми эди. У мени мураббий сифатида янги босқичга олиб чиқди. Биз бир-биримизни ҳурмат қиламиз.
Унинг қайтиб келишини ҳис қиляпман. Унинг сўзлари учун катта раҳмат. Мен бунга ёлғиз эриша олмасдим, клуб раҳбарияти мени доим қўллаб-қувватлайди”, — деди Гвардиола ўйиндан кейинги матбуот анжуманида.
Эслатиб ўтамиз, аввалроқ Арне Slot Юрген Клопп ўрнини эгаллаши маълум бўлган ва “Ливерпуль” билан 2027 йилгача мўлжалланган шартнома имзолаган. Хабар қилинишича, инглиз клуби “Фейеноорд”га шартнома муддатидан олдин бекор қилингани учун товон пули сифатида 13–15 миллион евро тўлайди.
“Манчестер Сити” мавсум якунига кўра АПЛда 38 ўйин ўтказиб, 91 очко жамғарган. Пеп Гвардиола жамоаси кетма-кет тўртинчи марта Англия Премьер Лигаси чемпионлигини қўлга киритиб, мамлакат тарихида рекорд ўрнатди. “Арсенал” Англия Премьер Лигаси турнир жадвалида 89 очко билан “Манчестер Сити”дан икки очко ортда қолиб, иккинчи ўринни эгаллади. “Ливерпуль” 2023—2024 йилги мавсумни АПЛ турнир жадвалида учинчи ўринда якунлади. Жамоа 38 учрашувда 82 очко жамғарган.
Изоҳ (0)