“Ливерпуль” бош мураббийи Юрген Клопп мавсум якунида инглиз клубини тарк этади.
Focus берган хабарга кўра, Мюнхеннинг “Бавария” клуби ҳозирда Клоппни 2025 йилнинг ёзида жамоага бош мураббий этиб тайинлаш вариантини кўриб чиқмоқда. Шу билан бирга, жамоа раҳбарияти 2024—2025 йилги мавсум учун ишловчи мураббийни ҳам излаши талаб этилади. Қайд этилишича, Ханс-Дитер Флик мюнхенликлар жамоасига вақтинчалик мураббий бўлиши мумкин.
Эслатиб ўтамиз, январь ойида Юрген Клопп жорий мавсум якунида “Ливерпуль”ни тарк этишини маълум қилганди. Немис мутахассиси ўз баёнотида энди жамоани бошқаришга куч-қуввати йўқлигини айтиб ўтган.
56 ёшли германиялик мутахассис 2015 йилнинг 8 октябрида Англиянинг “Ливерпуль” клуби бошқарувига келган. Бу вақт ичида Юрген Клопп “қизиллар” билан еттита совринни қўлга киритди. Клопп қўл остида “Ливерпуль” Чемпионлар Лигаси, Премьер Лига, Лига Кубоги, Англия Кубоги, УЕФА Суперкубоги ва клублар ўртасидаги жаҳон чемпионатида ғолиб чиқди.
Изоҳ (0)