“Манчестер Юнайтед” бош мураббийи Эрик тен Ҳаг голландиялик мутахассис Арне Slotнинг “Ливерпуль”га бош мураббий этиб тайинланишига муносабат билдирди.
“Одамлар “Фейеноорд” ҳақида жуда тўлқинланиб гапиради. Улар бу йил барқарор ўйин намойиш этди, лекин энг яхши ўйинни эмас. “ПСВ” жамоадан ҳар томонлама икки баравар устун эди. Тўпга устунлик қилиш, рақибга босим ўтказиш, интенсивлик бўйича улар тенгсиз.
“ПСВ” узоқ муддатли ўйинларда “Фейеноорд”дан анча яхши кўринди”, — дея тен Ҳагнинг сўзларини келтиради Mirror.
Эслатиб ўтамиз, Slot “Ливерпуль” бош мураббийи сифатида тайинланди. У 2015 йилдан буён мерсисайдликларни бошқарган германиялик мутахассис Юрген Клопп ўрнини эгаллади. Slotнинг сўнгги иш жойи Голландиянинг “Фейеноорд” жамоаси бўлиб, у 2021 йилнинг июлидан жамоани қабул қилиб олган.
Бу даврда 45 ёшли мутахассис қўл остида “Фейеноорд” барча турнирларда 148 учрашув ўтказиб, 97 марта ғалаба қозонган. Учрашувларнинг 27 тасида дуранг ўйнаган ва 24 марта мағлубиятга учраган.
Изоҳ (0)