Юрген Клопп Гвардиола жамоасини 10 марта мағлуб этди. Бундай натижага ҳеч қайси мураббий эриша олмаган

«Ливерпуль» Англия Кубоги ярим финалида «Манчестер Сити»ни мағлуб этиб (3:2), финал йўлланмасига эга чиқди.

Мазкур учрашув Хосеп Гвардиола ва Юрген Клопп ўртасидаги ўзаро 24-қарама-қаршилик бўлди. Немис мутахассиси 10-ғалабасига эришган бўлса, испаниялик мураббий ҳисобида 9 та ғалаба бор. Яна 5 ўйинда дуранг қайд этилган.

Мазкур ўйинларда Пеп жамоалари 45 та гол урган, Юрген шогирдлари эса 42 марта дарвозани ишғол қилган.

Қайд этиш керак, Клоппдан бошқа ҳеч қайси мураббий Гвардиолани бу қадар кўп мағлуб этмаган. Шунингдек, германиялик мутахассис ҳеч қайси мураббийга тўққиз марта ютқазмаган.

«Ливерпуль» жорий мавсум «Манчестер Сити»га қарши яна бир ўйин ўтказиши эҳтимоли мавжуд. Бунинг учун АПЛ жамоалари Чемпионлар Лигасида мос равишда «Вильярреал» ва «Реал Мадрид» тўсиғидан ўтиши керак бўлади. Шунингдек, Ливерпуль ва Манчестер шаҳри клублари АПЛ чемпионлиги учун ҳам асосий даъвогар бўлиб турибди.