Европанинг топ-жамоалари Серж Гнабрига харидор

«Бавария» футболчиси Серж Гнабрига «Реал», «Ливерпуль» ва «Ювентус» клубларидан қизиқиш бўлмоқда.

Goal нашрининг хабарига кўра, «Бавария» 26 ёшли футболчи билан янги шартнома борасида келиша олмаяпти. Мюнхенликлар ҳужумчини жамоанинг энг кўп маош олувчи футболчиларидан бирига айлантириши лозимлигини тушуниб турибди. Гнабри ҳозирда йилига 8 миллион евро маош олади.

Мюнхенликлар билан амалдаги шартномаси 2023 йилда ўз ниҳоясига етадиган Сержга Европанинг топ-клублари қизиқиш билдиришни бошлади.

«Реал» вингернинг вакиллари билан алоқага чиққан. Мадрид жамоаси 5 йилдан буён мунтазам футболчининг ўйинини кузатиб келган. Ундан ташқари Серж «қаймоқранглилар» ҳимоячиси Давид Алаба билан яқин дўст.

«Реал»дан ташқари «Ливерпуль» ва «Ювентус» ҳам ҳужумчининг атрофидаги вазиятни кузатмоқда.

Инглиз жамоаси Гнабрини Муҳаммад Салоҳга ўринбосар сифатида кўрмоқда. Мисрлик футболчи «қизиллар» билан янги битим борасида келиша олмаяпти ва катта эҳтимол билан жамоани тарк этиши мумкин. «Ливерпуль» бош мураббийи Юрген Клопп ҳам Сержнинг ашаддий мухлиси ҳисобланади.

Трансфер бозорида эркин агентларга кўпроқ эътибор қаратадиган «Ювентус» ҳам Гнабри номзодини кўриб чиқмоқда. Туринликлар ёзда ҳужумчини ижарага олиш борасида «Бавария» билан музокара ўтказиши мумкин.

Серж Гнабри 2021/22 йилги мавсум мюнхенликлар сафида барча мусобақаларда 37 та ўйинда иштирок этиб, 14 та гол ва 7 та голли узатмага муаллифлик қилди.