“Liverpul”ning sobiq bosh murabbiyi Yurgen Klopp “qizillar”ning Chempionlar Ligasi finalida “Real” bilan o‘yindagi mag‘lubiyatini esladi.
“2022-yilgi Chempionlar Ligasi finalida Kurtua juda yaxshi o‘ynadi. Men hech qachon bu o‘yin qanday bo‘lganini tushuntira olmayman. Qanday qilib biz yutqazdik?! Men hech qachon “Real Madrid”dek bosimdan himoyalana olgan jamoani uchratmaganman.
“Real”ga qarshi o‘yinga tayyorgarlik ko‘rish qiyin bo‘lganmidi? Bu juda qiyin edi. “Qirollik klubi”ga qarshi turish uchun juda ko‘p individual fazilatlar va aqlbovar qilmaydigan xotirjamlik kerak”, deya Kloppning so‘zlarini keltiradi Madrid Zone X (sobiq Twitter) ijtimoiy tarmog‘ida.
U bu gaplarni Toni Kroos podkastidagi suhbat chog‘ida ma’lum qilgan.
Ma’lumot uchun, uchrashuv “qaymoqranglilar”ning 1:0 hisobidagi g'alabasi bilan yakunlandi.
Klopp 2015-yildan 2024-yilgacha “Liverpul”ni boshqargan. “Liverpul” bilan u Chempionlar Ligasi, Premyer Liga chempionligi va boshqa sovrinlarni qo‘lga kiritdi. 1-yanvardan Klopp “Red Bull” futbol operatsiyalari bo‘yicha global rahbariga aylanadi.
Izoh (0)