Арне Slot “Ливерпуль”нинг янги бош мураббийи бўлади, дея хабар беради инсайдер Фабрицио Романо. Ҳозирда мутахассис “Фейеноорд” клубини бошқариб келмоқда.
Манба берган хабарга кўра, клублар ушбу тайинлов учун зарур бўлган барча ҳужжатларни имзолаган. Хабар шу ҳафтада расмий эълон қилиниши режалаштирилган.
Романонинг сўзларига кўра, “Ливерпуль” мураббий учун 13-15 миллион евро миқдорида товон пули тўлайди.
Бу Slotни тарихдаги энг қиммат голландиялик мураббийга айлантиради. Амалдаги бош мураббий Юрген Клопп мавсум охирида “Ливерпуль”ни тарк этади.
45 ёшли мутахассис 2021 йилнинг ёзидан буён “Фейеноорд”га устозлик қилиб келмоқда. Бу даврда унинг қўл остида клуб барча турнирларда 145 учрашувда қатнашиб, 94 марта ғалаба қозонган, 27 марта дуранг ўйнаган ва 24 марта мағлубиятга учраган.
Slotнинг Фейеноорд билан амалдаги меҳнат шартномаси 2026 йилнинг ёзига қадар амал қилади.
Изоҳ (0)