Дунё ва ўзбек спортига оид 27 октябрь кунининг энг муҳим хабарлари дайжести билан танишинг.
Ўзбекистон
Ўзбекистон U-23 терма жамоаси Саудия Арабистони билан дуранг ўйнади
Тошкентда U-23 Осиё Кубоги—2022 саралаш босқичи D гуруҳидан ўрин олган ўйинлар бўлиб ўтмоқда. 27 октябрь куни Ўзбекистон U-21 Саудия Арабистони U-23 билан 2:2 ҳисобида дуранг ўйнади. Гуруҳнинг иккинчи беллашувида эса Бангладеш U-23 жамоаси Кувайт билан баҳс олиб борди. Беллашувда кувайтликлар 1:0 ҳисобида ғалаба қозонди.
Шоҳжаҳон Абдуллаев ЖЧ—2021 да нокаутга учради
Сербиянинг Белград шаҳрида бокс бўйича ЖЧ—2021 баҳсларининг 2-кунидан ўрин олган баҳслар ўтказилмоқда.
27 октябрь куни -86 кг вазн тоифасида ҳаракат қиладиган Шоҳжаҳон Абдуллаев 1/32 финал доирасида бельгиялик Виктор Шелстритга қарши рингга кўтарилди. Жанг давомида фаол ҳаракат қилган Шоҳжаҳон иккинчи раунднинг сўнгида бельгиялик боксчидан кучли ўнг қўл зарбасини ўтказиб юборди ва нокаутга учратди. Шу тариқа ўзбекистонлик боксчи мусобақадаги иштирокини якунлади.
Давлат Бобонов ўз вазн тоифасида жаҳон рейтингида етакчига айланди
Токио Олимпиадаси совриндори Давлат Бобонов ўз вазн тоифасида (-90 кг) жаҳон рейтинги етакчисига айланди. Бобонов эркак дзюдочилар умумий рейтингида эса иккинчи ўринни эгаллаб турибди.
Шу тариқа ўзбекистонлик дзюдочи 9 йил деганда илк бор ўз тоифасида рейтинг пешқадамлигини қўлга олди. Охирги марта Ришод Собиров Лондон—2012 Олимпиадасидан аввал -60 кг вазн тоифасида биринчи ўринда қайд этилган эди.
Ўзбекистон Кубоги 1/4 финали баҳсларига ҳакамлар тайинланди
Футбол бўйича Ўзбекистон Кубоги 1/4 финал ўйинлари 28—29 октябрь куни бўлиб ўтади. Профессионал футбол лигаси (ПФЛ) ушбу босқичдан ўрин олган учрашувларда фаолият олиб борадиган расмийлар рўйхатини эълон қилди.
Ўзбекистон Кубоги
1/4 финал баҳслари
28 октябрь, пайшанба
«Бунёдкор» — «Сурхон»
Ҳакамлар: Раҳимбек Каримов, Абдуҳамидулло Расулов, Ҳусниддин Шодмонов, Абдурашид ХудойбергановНазоратчи: Валентин Коваленко
Комиссар: Шерзод Ражабов.
«ОКМК» — «Қизилқум»
Ҳакамлар: Шавкат Насибуллаев, Тимур Галеев, Александр Сидоров, Ҳусан МузаффаровНазоратчи: Константин Смирнов
Комиссар: Зохиржон Акрамхонов
29 октябрь, жума
«Сўғдиёна» — «Насаф»
Ҳакамлар: Илгиз Танташев, Расулжон Фозилов, Максим Нехочин, Иля ИлинНазоратчи: Александр Попов
Комиссар: Жаҳонгир Раҳматуллаев.
Бекободнинг «Металлург» клуби испаниялик Эрнандес Мартин Луис Мануэль билан шартнома имзолади. Бу ҳақда клуб матбуот хизмати хабар бермоқда.
Аввалроқ клуб Жасур Абдураимовни истеъфога чиқарганди. Бекобод клуби Суперлига 23-туридан сўнг 19 очко жамғарган ҳолда 13-ўринни банд этган.
Жаҳон
Мбаппе узил-кесил «Реал»га ўтишга қарор қилди
«ПСЖ» ҳужумчиси Килиан Мбаппе «Реал»га ўтади. Журналист Жанлука Ди Марсионинг ёзишича, франциялик футболчи Мадрид клуби билан шартнома борасида келишувга эришган. Бироқ у февраль ойигача унга имзо чека олмайди.
Қайд этилишича, Килиан аллақачон келажаги борасида якуний қарорини қабул қилиб бўлган.
Погба 3 та ўйинга дисквалификация қилинди
«Манчестер Юнайтед» ярим ҳимоячиси Пол Погба «Ливерпуль»га қарши ўйинда (0:5) олган қизил карточкаси сабабли АПЛнинг 3 та ўйинида жамоасига ёрдам бера олмайди.
Манчестер клуби сайти хабарига кўра, франциялик футболчи «Тоттенҳэм», «Манчестер Сити» ва «Уотфорд»га қарши ўйинларни ўтказиб юборади.
Эслатиб ўтамиз, Погба «Ливерпуль»га қарши ўйинда Наби Кейтага нисбатан қўпол ўйнагани учун қизил карточка олганди.
Ансу Фати яна сафдан чиқди
«Барселона» ҳужумчиси Ансу Фати жароҳат сабаб номаълум муддатга сафдан чиққан.
Клуб расмий сайтига кўра, 18 ёшли футболчи ўнг оёқ тизза қисмида оғриқ сезган. Жароҳат сабаб Фати «Райо Вальекано»га қарши ўйинни ўтказиб юборади. Унинг қачон жароҳатдан фориғ бўлиши ҳам номаълум.
Қайд этиш лозим, Фати сентябрь ойида тиззасидаги жароҳатдан қутулганди. Унгача футболчи бир йилга яқин вақт давомида майдонга тушмаганди.
«Барселона» Клоппнинг режалари билан қизиқмоқда
«Барселона» «Ливерпуль» бош мураббийи Юрген Клоппнинг режалари билан қизиқмоқда.
Diario Sport нашри Клопп Каталония клубини бошқариш учун асосий номзодлардан бири эканини хабар қилмоқда. Хабарга кўра, «Барселона» 54 ёшли германиялик мутахассиснинг узоқ муддатли режаларини ўрганишга ҳаракат қилмоқда.
Клоппнинг «Ливерпуль» билан амалдаги шартномаси 2024 йилнинг июнида ўз ниҳоясига етади.
«Милан» 69 йил аввалги рекордини такрорлади
«Милан» А Сериянинг 10-турида «Торино»ни мағлуб этди (1:0).
Стефано Пиоли шогирдлари Италия чемпионати 2021/22 йилги мавсумининг 10 та ўйинидан 9 тасида ғалаба қозонди (бир дуранг) ва шу тариқа клубнинг 1954/55 йилги мавсумдаги рекордини такрорлашга муваффақ бўлди. Жамоа ўша мавсумда А Серия ғолиблигини қўлга киритган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)