Юрген Клопп Red Bull компаниясининг футбол йўналиши раҳбарига айланди.
Sky Sports нашрининг хабарига кўра, германиялик мутахассис шартнома имзолаган ва 2025 йил 1 январда ишни бошлайди.
57 ёшли Клопп ўзининг янги лавозимида Red Bull клубларининг (Германиянинг “Лейпциг”, Австриянинг “Зальцбург” ва Американинг “Nyu-York Red Bulls” клублари) халқаро тармоғи стратегик бошқариш учун масъул бўлади
Қайд этилишича, Юрген Германия терма жамоасидан таклиф тушса, компания билан битимни муддатидан олдин бекор қилиш имкониятига эга.
Эслатиб ўтамиз, Клопп ўтган мавсум якунида “Ливерпуль”ни тарк этганди.
Мутахассис 2015 йилнинг 8 октябрида Англиянинг “Ливерпуль” клуби бошқарувига келган. Бу вақт ичида Юрген Клопп “қизиллар” билан еттита совринни қўлга киритган. Клопп қўл остида “Ливерпуль” Чемпионлар Лигаси, Премьер Лига, Лига Кубоги, Англия Кубоги, УЕФА Суперкубоги ва клублар ўртасидаги жаҳон чемпионатида ғолиб чиққан.
Изоҳ (0)