Юрген Клопп: Фаолиятимни якунладимми? Бу ҳақида ҳали қарор қабул қилмадим

Германиялик мутахассис Юрген Клопп келажаги борасидаги саволларга жавоб берди.

Мураббий 9 йиллик фаолиятидан сўнг “Ливерпуль”ни тарк этганди.

“Ҳозирча мураббийлик фаолиятим якунланган. Мен ўз хоҳишим билан кетмадим, бу умумий қарор эди.

Тинчлик ва сокинлик излаягандим, топдим ва айни дамда шундан завқланяпман. Шунчаки сал четроққа чиқиб, ишни ортга ташлаш вақти келганди.

Теннис ўйнаш ва невараларим билан ўтиришга жудаям ёшлик қиламан. Яна мураббий бўламанми? Айни дамда буни инкор этган бўлардим. Бир неча ойдан кейин бу ҳақида ўйлаб кўраман. Лекин ҳозир ҳеч қандай қарор қабул қилмаганман”, — дейди “Ливерпуль” ва “Боруссия Д” собиқ бош мураббийи.

56 ёшли германиялик мутахассис 2015 йилнинг 8 октябрида Англиянинг “Ливерпуль” клуби бошқарувига келган. Бу вақт ичида Юрген Клопп “қизиллар” билан еттита совринни қўлга киритди. Клопп қўл остида “Ливерпуль” Чемпионлар Лигаси, Премьер Лига, Лига Кубоги, Англия Кубоги, УЕФА Суперкубоги ва клублар ўртасидаги жаҳон чемпионатида ғолиб чиқди.