“Ливерпуль” ва Дортмунднинг “Боруссия” клубларининг собиқ бош мураббийи Юрген Клопп “Германия олдидаги хизматлари учун” федерал ордени билан тақдирланди.
Билд хабарига кўра, ушбу мукофотнинг тақдимоти 3 октябрь куни бўлиб ўтадиган Германия бирлиги куни фонида ўтказилди.
Клоппнинг мукофотига илова қилинган ёзувда шундай дейилган: “Муваффақият ва шон-шуҳрат унга ҳеч қачон ҳар бир спортчида, аввало, инсонни кўришга халақит бермаган”.
Мураббийга давлат мукофотини Германия Федератив Республикаси Президенти Франк-Валтер Штайнмаер топширган.
Маълумот учун, Клопп 2008 йилдан 2015 йилгача “Боруссия” клубини бошқарган. Бу даврда у жамоа билан икки марта Германия чемпионига айланди. 2015 йилдан 2024 йилгача Клопп “Ливерпуль” билан Чемпионлар Лигаси ва Премьер Лигада ғолиб чиққан.
Изоҳ (0)