Грузия прокуратураси мамлакат президенти Саломе Зурабишвилини 26 октябрь куни бўлиб ўтган парламент сайловлари натижалари сохталаштирилгани ҳақидаги баёнотлари туфайли сўроққа чақирди.
Бу ҳақида Грузия ОАВ мамлакат назорат агентлигига асосланиб хабар бермоқда.
“Марказий сайлов комиссиясининг баёноти ва оммавий ахборот воситаларида тарқатилган маълумотларга кўра, Грузия президенти Саломе Зурабишвилининг қўлида 2024 йилги парламент сайловлари натижалари сохталаштирилгани ҳақида далиллар бўлиши керак. Шу сабабли қонунга кўра, президент тергов органига сўроққа чақирилди”, дейилади хабарда.
26 октябрь куни Грузияда парламент сайловлари бўлиб ўтди. Марказий сайлов комиссиясига кўра, ҳукмрон “Грузия орзуси – Демократик Грузия” партияси 53,93 фоиз овоз билан ғалаба қозонган. Мухолифат ва президент Саломе Зурабишвили сайлов натижаларини тан олишдан бош тортди ва бир қатор намойишлар уюштирди.
Изоҳ (0)