Ўзбекистон етказиб бериш саноатида янги иштирокчи пайдо бўлди. Асли Ҳелсинкида асос солинган халқаро Wolt компанияси Ўзбекистон бозорига киришини расман эълон қилди. Бу янгилик компания, ресторанлар, чакана савдо нуқталари, курерлар ва албатта, истеъмолчилар учун нимани англатишини тез орада билиб оламиз. Айни дамда, Wolt бошқа мамлакатлардаги муваффақиятли тажрибасига асосланиб, Ўзбекистонда етказиб бериш бозорини ўз қоидаларига мувофиқ ривожлантириш ниятида.
Wolt — бу?
Wolt 2014 йилда Ҳелсинкида олти нафар меҳнаткаш инсонлар жамоаси томонидан ташкил этилган. Сўнгги икки йил ичида компания қўшни мамлакатлар, шу жумладан Грузия, Озарбайжон ва Қозоғистон билан муваффақиятли ҳамкорлик олиб борди. 2022 йилда эса ушбу Финландия компанияси АҚШдаги энг йирик етказиб бериш хизмати DoorDash билан ҳамкорликни бошлади. Бугун, корхона ташкил топганига 10 бўлиб, 12 000 кишилик жамоа билан Wolt барча буюртмаларни 27 дан ортиқ мамлакатларга етказиб бера олади. Энди эса улар қаторида Ўзбекистон ҳам бор.
Сўнгги бир неча йил ичида Ўзбекистонда етказиб бериш саноати жадал суръатлар билан ўсиб бормоқда. Товарларни етказиб бериш нафақат истеъмолчилар учун қулайлик, балки тижорат учун фойдани ошириш, шунингдек, курерлар учун қўшимча ёки асосий даромад манбаи бўлиб хизмат қилмоқда. Шунинг учун ҳам чет эл компаниялари Ўзбекистон бозорига кириш учун қулай имконни қўлдан бой бермоқчи эмас. Wolt ҳам шундай корхоналар қаторида, лекин компаниянинг фалсафаси бошқаларникидан фарқ қилиб, ҳар бир янги бозорда "ўзига хос" бўлишга имкон беради.
Wolt нимаси билан ажралиб туради?
Wolt ўзини маҳаллий инфратузилмани ривожлантириш орқали шаҳарларни ўз истеъмолчилари, тижорат ва курерлик ҳамкорлари учун яхшироқ қилишга қаратилган технология компанияси сифатида намоён этади. Бу маҳаллий логистикани ривожлантириш, чакана савдо учун технологик ғоялар ва молиявий ечимларни ўз ичига олади. Wolt истеъмолчилар, тижорат ва курерларни ўзининг ҳамкорлари сифатида кўради, уларнинг муваффақияти орқали нафақат компания ва бозор, балки бутун маҳаллий экотизим ҳам ривожланади.
Компания йирик ресторан ва супермаркетлардан тортиб, ҳозирда онлайн мавжуд бўлмаган маҳаллий кафе ва дўконлар каби чакана савдо нуқталаридан кенг турдаги маҳсулотларни етказиб беришни мақсад қилган. Табиийки, бу кичик, маҳаллий дўконлар етказиб бериш хизмати орқали даромадни ошириш имкониятларини қўлдан бой беради. Шу билан бирга, истеъмолчилар корхонага шахсан бормасдан туриб зарур товарларни харид қила олмайди. Тез суръатлар билан ривожланаётган даврда истеъмолчилар ўзларининг истаклари ва эҳтиёжлари ҳисобига етказиб бериш хизматини таклиф қиладиган жойларни танлашлари мумкин. Натижада, бундай кафе ёки дўконлар эътибор марказидан четда қолиб, савдо қилиш имкониятини бутунлай йўқотади.
"Флагман модели" асосида сотувчилар уч ойлик муддат давомида ҳеч қандай йўқотишларсиз Woltъда ўз маҳсулотларини ёки буюмларини рўйхатга олишлари мумкин. Уларга ҳамкорликни бошлаш учун барча зарур имконият ва шароитлар яратиб берилади. Бу кун давомида буюртмалар ҳажмига қараб хизмат кўрсатиш даражасини, мавжудлиги ва етказиб бериш тезлигини сақлаб қолиш имконини беради.
Таъкидлаш жоизки, компания ўз фаолиятини дастлаб Тошкент шаҳридан бошлаб, сўнгра босқичма-босқич Республика бўйлаб кенгайтиришни режалаштирган.
Wolt орқали нималарни етказиб бериш мумкин?
Кўпинча биз етказиб бериш хизматларидан фақат озиқ-овқат етказиш мақсадида фойдаланамиз. Wolt иловаси сизнинг ҳамёнингиздаги виртуал савдо марказидир. Компания янгиланган етказиб бериш хизмати орқали истеъмолчиларнинг анъанавий одатларини ўзгартиришни режалаштирмоқда.
Илова хусусиятлари
Wolt иловаси қулай интерфейс ва фойдаланиш қулайлигига эга бўлиб, бир вақтнинг ўзида ўзбек ва рус тилларида ишга туширилади. Фойдаланувчи сўровига жавоб энг қисқа 60 сониядан камроқ вақт ичида тақдим этилади. Бу эса буюртма етказиб бериш вақтини тежайди. Бундан ташқари, Wolt ҳар бир буюртмага маҳсулот фотосуратини бириктиради. Агар муассаса фотосуратга эга бўлмаса, агрегатор бўшлиқни автоматик тарзда бошқа расм билан тўлдиради.
Дастлаб, етказиб бериш соатлари 9:00 дан 22:00 гача бўлиши мумкин. Мижозлар ўша ёки бошқа кун учун олдиндан буюртма бериш имконига эга. Мобил илова ва веб-сайт орқали реал вақт режимида кузатув функцияси ва мижозларга буюртма берилган пайтдан то етказиб берилгунга қадар кузатиб бориш имконини беради. Мукофотлар дастури ҳам мавжуд бўлиб, бу фойдаланувчиларга балл тўплаш ва буюртмалари учун мукофот олиш имкониятини беради.
Маҳсулотлар танловини кенгайтиришдан ташқари, Wolt сифат ва мижозлар эҳтиёжини қондириш, буюртмаларни пухта тайёрлаш ва Ўзбекистон бўйлаб тезкор етказиб бериш бўйича ўзининг юқори стандартларига амал қилишни ваъда қилмоқда.
Ҳозирда ишонч билан бир нарсани аниқ айта оламизки, компания халқаролаштиришнинг шаблонли модели ҳақида эмас, балки мамлакат хусусиятлари ва эҳтиёжларига эҳтиёткорлик билан мослашиш ва уни ривожлантириш учун юқори амбицияларга эга. Ўзбекистон кўчаларида ёрқин кўк рангли сумкалар пайдо бўлиши ҳеч кимни бефарқ қолдирмайди.
Изоҳ (0)