Грузиянинг собиқ президенти Михаил Саакашвилининг рафиқаси Сандра Руловс мамлакатда октябрь ойида ўтказилган парламент сайловлари натижаларига кўра қўлга киритган депутатлик мандатидан воз кечди. Бу ҳақда «Интерфакс» хабар бермоқда.
7 ноябрь, душанба куни Руловс Грузия марказий сайлов комиссиясига депутатлик мандатини тўхтатиш ҳақидаги ариза билан мурожаат этди.
Янги чақириқ парламентига Руловс мухолифатдаги «Ягона миллий ҳаракат» партияси таркибида ўтган. Партия рўйхатида у иккинчи ўринда қайд этилганди.
Эслатиб ўтамиз, олдинроқ Михаил Саакашвили Одесса губернаторлигидан истеъфо бергани ҳақида маълум қилинганди.
Изоҳ (0)