Шимолий кореялик хакерлар 2017 йилдан бери қарийб 3 миллиард долларлик криптовалюталарни ўғирлади. Microsoft компанияси 2024 йилги киберхавфсизлик ҳисоботида бу ҳақда маълумот берди.
Маълум қилинишича, ўғирланган пуллар Пхеньян ядровий дастурини молиялаштиришга йўналтирилган. Microsoft ушбу маблағлар КХДРнинг ядро қуролини ишлаб чиқиш харажатларининг ярмидан кўпини қоплаганини таъкидлади. Биргина 2023 йилда 600 миллиондан 1 миллиард долларгача маблағ ўғирланган.
Шунингдек, Microsoft 2023 йилдан бери бир нечта шимолий кореялик янги хакерлар гуруҳи тузилганини аниқлаган.
Уларнинг сони ортиши Ким Чен Ин режимининг товламачилик билан боғлиқ хакерлик фаолиятидаги иштирокини кенгайтираётганидан дарак бериши мумкин, дейди таҳлилчилар.
Microsoft компанияси таъкидлашича, КХДРдан ташқари, Россия, Хитой ва Эрон гуруҳлари ҳам хакерлик соҳасида фаол ҳаракат қилмоқда.
Изоҳ (0)