Афсонавий актёр иштирокидаги жангари фильмлар ва суратга олиш жараёнида рўй берган қизиқарли ҳолатлар билан танишинг.
“Сарҳуш уста”
Жангари, комедия.
Гонконг, 1978 йил
Давомийлиги: 111 дақиқа.
IMDb: 7.6.
Доим ичиб юрадиган кекса кунг-фу устасининг жасур йигитни жанг санъатига ўргатиш ҳақидаги афсонавий фильм.
Фильмдаги Жеки Чаннинг қаҳрамони — Хуан Фейхон (Вонг-Феи Ҳунг) Хитой тарихидаги ҳақиқий шахс ва ҳунгар деб аталадиган энг машҳур ушу услубларидан бирининг асосчиси. 13 ёшида Фейхон зўр жангчи ҳисобланган ва Синхай инқилоби пайтида армияга қўшилганида, у бутун Хитой бўйлаб ХХ асрнинг Робин Гуди сифатида машҳур бўлган.
Ҳеч бир жойда алкоголнинг кўрсатилган жанг услубига таъсири ҳақида айтилмаган, Жекининг ўзи эса ролига яхшироқ кириш учун спиртли ичимлик ичмаган. Бунинг ўрнига мастлик саҳнасидан олдин у бошини пастга эгиб турган — шунда қон мияга қуйилади ва юз қизариб кетади.
“Кўчма газакхона”
Жангари, мелодрама, комедия, криминал.
Гонконг, 1984 йил
Давомийлиги: 108 дақиқа.
IMDb: 7.3.
Икки хитойликнинг Барселона марказида овқат машинасида иш бошлагани ҳақидаги комедия.
Бу кикбоксинг бўйича кўп карра чемпион Бенни Уркидес Жекининг асосий рақибларидан бири ролини ўйнаган биринчи фильмдир. Суратга олиш пайтида у ҳақиқий зарба беради, бу финал жангини саҳналаштириш жараёнини сезиларли даражада мураккаблаштиради. Бироқ бундай тажрибанинг натижаси кино тарихидаги энг яхши жанглардан бири бўлди.
Худди шу жангда Уркидес тасодифан қаттиқ зарба билан атрофдаги шамларни ўчиради. Бу режалаштирилган кадр эмас, балки импровизация эди.
“Полиция ҳангомалари”
Жангари, комедия, криминал.
Гонконг, 1985 йил
Давомийлиги: 106 дақиқа.
IMDb: 7.6.
Гонконглик супер полициячи ҳақидаги биринчи фильм, у деярли якка ўзи маҳаллий наркотик мафиясининг бошлиғини қўлга олишга муваффақ бўлади.
Универмаг деразасидан сирпаниб тушиш саҳнасини деб Жеки ногирон бўлиб қолишига оз қолган. Ушбу трюкни бажараётганида кафтлари кучли куйган, еттинчи ва саккизинчи умуртқалари синган, шунингдек, тос суяги чиқиб кетган.
“Полиция ҳангомалари-2”
Жангари, триллер, комедия, криминал.
Гонконг, 1988 йил
Давомийлиги: 101 дақиқа.
IMDb: 7.2.
Гиёҳвандлик мафиясининг бошлиғи ўлдирилиши учун ақлдан озган қотилни ёллаган ҳалол полициячи ҳақидаги ҳикоянинг давоми.
Фильм охирида заводнинг портлаши Гонконг киноси тарихидаги энг йирик портлаш бўлди. Режиссёрлар саҳналаштирилган бино эмас, балки ҳақиқий бинодан фойдаланишга қарор қилишади. Бинони ишонарли бузиш учун Америкадан тажрибали пиротехниклар таклиф қилинган.
“Шаҳарлик овчи”
Жангари, мелодрама, комедия.
Гонконг, Япония, 1992 йил
Давомийлиги: 105 дақиқа.
IMDb: 6.5.
Эксцентрик детектив ролини ўйнаган Жеки таниқли миллионернинг ўғирлаб кетилган қизини қутқариш учун юборилади. Жеки Чаннинг мазкур қаҳрамони енгилтабиат бўлишига қарамай, у бу фильмни ўз фаолиятидаги севимли фильмларидан бири деб атайди.
“Мен кимман?”
Жангари, комедия, саргузашт.
Гонконг, 1998 йил
Давомийлиги: 118 дақиқа.
IMDb: 6.8.
Самолёт ҳалокатидан омон қолган ва хотирасини йўқотган махсус кучлар гуруҳи аъзоси ўзининг кимлигини ва қандай вазифани бажарганини билишга ҳаракат қилади.
Фильмда Жеки каркидон минадиган саҳна бўлиши керак эди. Бу эпизод ростан ҳам суратга олинган, бироқ оператор хатоси туфайли кадр бузилган. Актёрнинг жароҳати туфайли саҳнани қайта суратга олишнинг иложи бўлмаган.
Картина ижодкорлари Mitsubishi компанияси билан шартнома имзолаган. Суратга олиш учун энг зўр машиналар ишлатилган. Улар орасида 1996 йилда чиқарилган Lancer Evolution IV янги модели ҳам бор эди.
“Тиғиз вақт”
Жангари, триллер, комедия, криминал.
АҚШ, 1998 йил.
Давомийлиги: 98 дақиқа.
IMDb: 7.0.
Лос-Анжелесдаги қароқчилар Хитой консулининг қизини ўғирлаб кетишади. Гонконглик инспектор ва ғалати америкалик полициячи уни қидирмоқда. Дастлаб Картер ролига Мартин Лоуренс таклиф қилинганди. Аммо кейинчалик Эдди Мерфи, Дейв Шаппелл, Уилл Смит ва ҳатто Тупак Шакур ҳам кўриб чиқилди.
Фильмнинг охиридаги хавфли сирпаниш саҳнасини Жеки бир нечта жинси шим кийиб, юмшоқ таглик ёрдамида амалга оширишга муваффақ бўлди.
“Шанхайлик шоввоз”
Жангари, комедия, саргузашт.
АҚШ, Гонконг, 2000 йил.
Давомийлиги: 110 дақиқа.
IMDb: 6.6.
Ўғирланган Хитой маликасини қутқариш учун император оиласининг соқчилари Ёввойи Ғарбга боришлари керак.
Жекининг қаҳрамони Чон Вонг кўплаб афсонавий америкалик вестернлар билан машҳур бўлган америкалик актёр Жон Уэйн номининг хитойча версиясидир. Худди шу актёр ҳақида “Тиғиз вақт” фильмида ҳам тилга олинади.
“Зўраки жосус”
Жангари, триллер, комедия, криминал, детектив.
Гонконг, 2000 йил
Давомийлиги: 87 дақиқа.
IMDb: 5.9.
Оддий спорт анжомлари сотувчиси бир куни у бой одамнинг узоқ вақтдан бери йўқолган ўғли эканлигини ва тажрибали айғоқчи эканлигини билиб қолади.
Жеки Чан қарийб 20 йил давомида юк кўтаргич кранда трюк бажаришни хоҳлаган, бироқ уни амалга ошириш фақат ушбу фильмни суратга олиш пайтида рўёбга чиққан.
“Ишқ сурури”
Жангари, триллер, комедия, криминал.
Гонконг, Тайван, 1999 йил
Давомийлиги: 96 мин.
IMDb: 6.1.
.jpg)
Жеки Чан фильмографиясидаги энг романтик фильмлардан бири — фильмда ҳаёти бир қарашда оддий бўлмаган камтарона миллионер ролини ўйнаган.
Бош қаҳрамон кўп жиҳатдан Жеки Чаннинг ўзига ўхшайди. Ҳақиқий ҳаётда ҳам актёр ҳалоллик ғояларига амал қилади, айнан бир хил спорт машқларини бажаради ва ҳатто персонажидек кийинишни афзал кўради.
Изоҳ (0)