Жеки Чан нафақат жанг санъати устаси ва ҳаяжонли трюклар ижрочиси, балки истеъдодли комедиячи бўлиб, турли жанрдаги фильмларда ўйнаган. Жеки Чан кинодаги карьерасини ўтган асрнинг 60 йилларида бошлаган ва шу кунгача фильмларда ўйнашда давом этмоқда.
“Кичкина аждарҳо” фильми
- Асл номи: The Karate Kid
- Йил: 2010 йил
- Давомийлиги: 140 мин.88
- Режиссёр: Гаролд Зварт
- Актёрлар: Жеки Чан, Жейден Смит, Таражи П. Хенсон
- IMDb рейтинги: 10 баллдан 6,2
- Кинопоиск рейтинги: 10 дан 7,1
Ёш Дрей Паркер (Жейден Смит) ва унинг онаси Америкадан Хитойга кўчиб келади. Янги мактабида болакайни маҳаллий безорилар қўрқитишади. Ўзини ҳимоя қилиш учун Дрей шарқ яккакураши турнирида қатнашишга қарор қилади. Болани тажрибали уста Хан (Жеки Чан) ўқитади.
“Мўжиза”
- Мираcлес: The Canton Godfather
- 1989 йил
- 122 мин.
- Режиссёр: Жеки Чан
- Актёрлар: Жеки Чан, Анита Муи, Гуа А-Ле
- IMDb: 6.9
- Кинопоиск: 7.7
Гонконгга келган Чарли (Жеки Чан) гангстерлар кланининг раҳбари бўлишини хаёлига ҳам келтирмаганди. У тасодифан тўдалар жанжалининг марказида тушиб қолади. Чарли яраланагн мафия раҳбарини қутқаришга ҳаракат қилади, лекин у вафот этади. Бироқ ўлимидан олдин у Чарлини ўзининг вориси этиб тайинлашга улгуради.
“Яширин зарба”
- Rumble in the Bronx
- 1995 йил
- 104 мин.
- Режиссёр: Стенли Тун
- Актёрлар: Жеки Чан, Анита Муи, Франсуа Йип
- IMDb: 6.7
- Кинопоиск: 7.7
Гонконг полициячиси Кюн (Жеки Чан) амакисининг тўйида қатнашиш учун АҚШга учиб келади. Жиноятлар авж олган Bronksда супермаркет эгаси Элина (Анита Муи) билан танишиб қолади. Жиноий тўда унинг бизнесини тортиб олмоқчи. Кюннинг улар билан тўқнашишига тўғри келади.
“Мен кимман?”
- Whо I аm?
- 1998 йил
- 118 мин.
- Режиссёр: Бенни Чан, Жеки Чан
- Актёрлар: Жеки Чан, Мишел Феррет, Мираи Ямамото
- IMDb: 6.8
- Кинопоиск: 7.7
Самолёт ҳалокатидан омон қолган ва хотирасини йўқотган махсус кучлар гуруҳи аъзоси ўзининг кимлигини ва қандай вазифани бажарганини билишга ҳаракат қилади.
Фильмда Жеки каркидон минадиган саҳна бўлиши керак эди. Бу эпизод ростан ҳам суратга олинган, бироқ оператор хатоси туфайли кадр бузилган. Актёрнинг жароҳати туфайли саҳнани қайта суратга олишнинг иложи бўлмаган.
“Тиғиз вақт”
- Rush Hour
- 1998 йил
- 98 мин.
- Режиссёр: Бретт Ратнер
- Актёрлар: Жеки Чан, Крис Такер, Элизабет Пеня
- IMDb: 7.0
- Кинопоиск: 7.7
Гонконглик инспектор Ли (Жеки Чан) Хитой консулининг ўғирланган қизини озод қилиш учун Америкага келади. Бу қийин ишда унга маҳмадона полициячи Картер (Крис Такер) ёрдам беради.
“Полиция ҳангомалари”
- Police Story
- 1985 йил
- 106 мин.
- Режиссёр: Жеки Чан, Чен Чи Хва
- Актёрлар: Жеки Чан, Бриджит Лин, Мегги Чеунг
- IMDb: 7.5
- Кинопоиск: 7.8
Оддий полициячи Кевин (Жеки Чан) мафия бошлиғининг котибаси (Брижит Лин)ни ҳимоя қила олмайди — у сирли равишда ғойиб бўлади. Уни мафия билан тил бириктирганликда айбланмасликлари учун у қизни топиши керак.
“Сарҳуш уста”
- Drunken Master
- 1978 йил
- 111 мин.
- Режиссёр: Юен Ву-Пинг
- Актёрлар: Жеки Чан, Юан Сяотян, Хван Жан-Ли
- IMDb: 7.4
- Кинопоиск: 7.8
Доим ичиб юрадиган кекса кунг-фу устасининг жасур йигитни жанг санъатига ўргатиш ҳақидаги афсонавий фильм.
Фильмдаги Жеки Чаннинг қаҳрамони — Хуан Фейхон Хитой тарихидаги ҳақиқий шахс ва ҳунгар деб аталадиган энг машҳур ушу услубларидан бирининг асосчиси. 13 ёшида Фейхон зўр жангчи ҳисобланган ва Синхай инқилоби пайтида армияга қўшилганида, у бутун Хитой бўйлаб ХХ асрнинг Робин Гуди сифатида машҳур бўлган.
“Кўчма газакхона”
- Wheels on Meals
- 1984 йил
- 113 мин.
- Режиссёр: Саммо Ҳунг
- Актёрлар: Жеки Чан, Юен Бяо, Саммо Хонг
- IMDb: 7.0
- Кинопоиск: 7.8
Амакиваччалар Томас (Жеки Чан) ва Девид (Юен Биао) Барселонада юк машинасида кафе очадилар. Емакхона маҳаллий жиноий тўда улараг қизиқиб қолмагунча яхши ишлайди.
Бу кикбоксинг бўйича кўп карра чемпион Бенни Уркидес Жекининг асосий рақибларидан бири ролини ўйнаган биринчи фильмдир. Суратга олиш пайтида у ҳақиқий зарба беради, бу финал жангини саҳналаштириш жараёнини сезиларли даражада мураккаблаштиради. Бироқ бундай тажрибанинг натижаси кино тарихидаги энг яхши жанглардан бири бўлди.
“Мўжизавий аслаҳалар”
- Armour of God
- 1986 йил
- 88 мин.
- Режиссёр: Жеки Чан, Эрик Цанг
- Актёрлар: Жеки Чан, Алан Там, Лола Форнер
- IMDb: 6.9
- Кинопоиск: 7.9
Осиё калхати (Жеки Чан) лақабли қаҳрамон Африкада сирли қадимий қилич топади. Маълум бўлишича, қилич Худонинг афсонавий қуролларининг фақат бир қисмидир. Агар сирли қурол йўқ қилинса, Ерда ёвузлик ҳукм суради.
“Худонинг зирҳи” — бу Жеки Чан иштирокидаги навбатдаги жанговар фильм эмас, балки фантазия элементларини ўз ичига олган фильм. Қадимги артефактлар сабаб фильм Индиана Жонс саргузаштларига ўхшаб қолган.
“Кунг-фу тулпор”
- Ride On
- 2023 йил
- 126 мин.
- Режиссёр: Ларри Янг
- Актёрлар: Жеки Чан, Лю Хаоқун, Гуо Қилин
- IMDb: 6.3
- Кинопоя: 8
Жанг санъати устаси Лао Лу (Жеки Чан) севимли отига ғамхўрлик қилиб, тинч ҳаёт кечиради. Лу бир пайтлар энг қийин ва хавфли трюкларни ижро этган каскадёр бўлган, бироқ сўнгги йилларда унинг жисмоний фаоллиги пасайган. Оғир жароҳати туфайли кинони тарк этишга мажбур бўлганидан кейин қарзга ботиб қолган ва онасининг ўлимидан сўнг ундан ранжиган қизи Сяо Бао (Лиу Хаоцун) у билан гаплашмай қўйган. Лунинг ягона қувончи – Олов лақабли севимли оти. Улар биргаликда сайёҳлар билан суратга тушиб, тирикчилик учун пул топишади. Аммо бир муаммо бор: коллекторлар отни олиб кетмоқчи. Шу сабабли Лу ғурурини бир четга суриб, ҳуқуқ факультетида таҳсил олаётган қизидан ёрдам сўраши керак.
Изоҳ (0)