Фото ва видео: Фаластинни қўллаб-қувватлаш мақсадида Лондон, Нью-Йорк, Париж ва дунёнинг бошқа шаҳарларида ўтказилган намойишлар

Исроил—Фаластин муаммосининг сўнгги йиллардаги энг катта кескинлашуви Фаластиндаги «Фалокат куни»га тўғри келди, дея хабар бермоқда TJournal.

Исроил ва Фаластин ўртасидаги ўзаро ракета зарбалари бир ҳафтадан бери тинимсиз давом этмоқда. Низонинг янгитдан кескинлашуви Шарқий Қуддусдан — у ердаги Шайх Жарроҳ мавзесидан бир неча араб оиласини мажбурий кўчиришдан бошланди. Бу кейинчалик оммавий тартибсизликларга сабаб бўлди, ҲАМАС ҳаракати эса Тель-Авивга ракета зарбаси берди.

Шундан бери икки давлат бир-бирига зарба бермоқда: Исроил Ғазодан учирилган ракеталарнинг бир қисмини «Темир гумбаз» тизими ёрдамида тутиб қолмоқда, шунга қарамай бу зарбалар Исроилда ўнлаб қурбонлар қайд этилишига, жумладан, икки боланинг ўлимига сабаб бўлди. Айни вақтда, «РИА Новости» маълумотларига кўра, Ғазо секторининг ўзида камида 188 киши ҳалок бўлган, уларнинг 55 нафари болалардир. ЦАХАЛ (Исроил мудофаа армияси) ҲАМАС жангарилари томонидан фойдаланилаётган объектларгагина зарба бераётганини таъкидлаб келмоқда. Жаҳоннинг етакчи ОАВлари, хусусан, BBC News ва Associated Press’нинг ҳудудий бўлимлари жойлашган бинога берилган зарба бўйича ҳам шундай изоҳ берилган: Исроил армияси бу ҳақда бино эгасини олдиндан огоҳлантирган.

Низонинг кескинлашуви Накба — «Фалокат куни»га тўғри келди: Фаластинда Исроил ўз мустақиллигини эълон қилгач, минглаб фаластинлик оилалар ўз уйини тарк этишга мажбур бўлган 1948 йил 15 май воқеаларига шундай ном берилган. Шу кун муносабати билан жаҳоннинг йирик шаҳарларида Фаластинни қўллаб-қувватлаш мақсадида намойишлар бўлиб ўтди.

Ушбу намойишларнинг айримлари тинч ўтган бўлса, бошқалари полиция билан тўқнашув кўринишида якунланди: Францияда полиция кўздан ёш оқизувчи газ ва сув отувчи машиналардан фойдаланишга мажбур бўлиб, намойишнинг 50 дан зиёд иштирокчисини қўлга олди, Лондондаги тўқнашувлар оқибатида эса тўққиз нафар полициячи тан жароҳати олди. Германияда синагога (яҳудийлар ибодатхонаси)ларга ҳужумлар уюштирилгани ва Исроил байроқлари ёқилгани ҳақида хабарлар бор — Германия мусулмонлари марказий кенгаши бу хатти-ҳаракатларни қоралаган.

Париж

https://twitter.com/ybouziar/statuses/1393625370130321408

https://twitter.com/ClementLanot/statuses/1393547393581342726

Лондон

https://twitter.com/ronanburtenshaw/statuses/1393554035677057026

https://twitter.com/CEOofEgypt/statuses/1393646956694618112

https://twitter.com/sahouraxo/statuses/1393602942851174403

https://twitter.com/MrAndyNgo/statuses/1393713270385643524

Нью-Йорк

https://twitter.com/m3ilina_/statuses/1393569300871401483

Берлин

Мадрид

https://twitter.com/theMadridZone/statuses/1393600317246345220

Торонто

Монреаль

Сидней

Вашингтон