Абдувосит Абдураззоқов Тошкент вилояти ИИББ бошлиғи лавозимига тайинланди. Бу ҳақда 29 июль куни Тошкент вилояти ҳокимлиги хабар қилди.
Абдувосит Абдураззоқов янги лавозимга ички ишлар вазирининг тегишли буйруғига асосан тайинланган. Полковник тайинловга қадар Тошкент шаҳар ИИББ бошлиғи ўринбосари, Тергов бошқармаси бошлиғи вазифасини бажарган.
Аввалроқ вилоят ҳокими Зоир Мирзаев раислигида фаоллар, шаҳар ва туманлар ҳокимлари иштирокида мажлис ўтказилгани хабар қилинган. Тадбирда ички ишлар вазирининг лавозим ўзгаришларига доир буйруғи ўқиб эшиттирилган. Унга кўра, Тошкент вилояти ИИББ бошлиғи лавозимида ишлаб келаётган Тоҳир Арипов Самарқанд вилояти ИИББ бошлиғи этиб тайинланган.
Тадбирда Тоҳир Арипов ҳудудда жамоат хавфсизлигини таъминлаш, тинчлик ва осойишталикни мустаҳкамлаш борасидаги самарали фаолияти учун Тошкент вилояти ҳокимлигининг “Фахрий ёрлиғи” билан тақдирланган.
Изоҳ (0)