Андижонга Хитойнинг Fаw Trucks компанияси раҳбарияти вакилларидан иборат делегация ташриф буюрди, деб хабар берди вилоят ҳокимлиги матбуот хизмати.
Мазкур компания ҳамкорлигида Андижонда умумий қиймати 100 млн доллар бўлган лойиҳа қурилиши бошланади. Лойиҳа йилига 10 минг дона юк ташувчи автомобиллар ишлаб чиқаришга ихтисослашган.
Қурилиш ишларини ноябрь ойида бошланади.
Делегация аъзолари Андижондаги “Ипак йўли” эркин иқтисодий саноат зонасида олиб борилаётган қурилиш ишлари билан таништирилди. Шунингдек, NАWAS бренди остида ҳаво тозалаш ускуналари, кондиционерлар ишлаб чиқариш лойиҳасининг бугунги кундаги қурилиш ишлари ҳақида яқиндан маълумот берилди.
Изоҳ (0)