Ушбу қадрдон фильмлар тўйдан олдинги стрессни камайтиришга ёки оқшомни ёқимли ўтказишга ёрдам беради.
“Келинлар жанги” (2009)
- Режиссёр: Гари Виник
- Бош ролларда: Кейт Ҳадсон, Энн Ҳэтэуэй, Брайан Гринберг, Крис Пратт
Бу фильм келин-куёв ҳақида эмас, балки келиннинг гулдастасини бир вақтнинг ўзида туриб олган ва тўйини бир кунда ўтказишга мажбур бўлган икки дугона ҳақида. Қизларнинг ҳеч бири турмуш қуришни орзу қилган чиройли сана ва жойдан воз кечишни хоҳламайди. Келинларнинг умумий дўстлари бир вақтнинг ўзида иккита тўйда қатнаша олмаслиги сабабли дугоналар бир-бирига уруш эълон қилади. Фильм давомида уларнинг ҳар бири ўзининг идеал тўйига тайёргарлик кўришга ва шу билан бирга рақибига панд беришга ҳаракат қилади.
“Келиннинг отаси” (1991)
- Режиссёр: Чарльз Шайер
- Бош ролларда: Стив Мартин, Дайан Китон, Кимберли Уильямс-Пейсли
Меҳрибон ота учун ўз қизини вояга етказиш қанчалик қийинлиги ҳақидаги жуда самимий, таъсирчан фильм. Бундан ташқари, яқинлашиб келаётган тўй ҳаётдаги энг муҳим ва узоқ кутилган воқеа бўлса-да, ота учун ўз қизи ва катта миқдордаги пул билан хайрлашишни англатади. Аммо Жорж Энни жуда яхши кўради ва унга чин дилдан бахт тилайди.
“Келин учун тузоқ” (2011)
- Режиссёр: Шери Фоксон
- Бош ролларда: Элис Ив, Девид Теннант, Келли МакДональд
Британиянинг мазкур романтик комедиясида сокин чекка ҳудудда турмуш қуришга қарор қилган юлдуз келин ҳақида ҳикоя қилинади. Аммо ёшлар папараццилар камерасидан яшириниши учун келинни “алмаштириш”га қарор қилишади. Бироқ ҳеч ким куёв ва “сохта” келин ўртасида муҳаббат пайдо бўлиши мумкинлигини кутмаганди. Шотландия ландшафтларини яхши кўрадиганлар ажойиб манзаралардан завқланишади, ҳатто ушбу гўзал мамлакатда ўзларининг тўйларини ўтказишни хоҳлаб қолишлари мумкин.
“Деярли турмуш қурганлар” (2012)
- Режиссёр: Николас Столлер
- Бош ролларда: Жейсон Сегел, Эмили Блант
Баъзида шароитга кўра тўй каби муҳим воқеа ҳам унаштирилгандан кейин номаълум муддатга қолдирилиши мумкин. “Деярли турмуш қурганлар” фильмининг қаҳрамонлари тўйга узоқ вақт тайёргарлик кўради. Тўй аввалига икки йилга қолдирилади, кейин эса яна ва яна. Ушбу фильм қариндошлар билан муносабатлар, сабр-тоқат ва кутиш ҳақида. У томошабинларга бир-бирини тушуниш ва танланган йўлдан қайтмасликни ўргатади.
“Ижарага куёв” (2005)
- Режиссёр: Клер Килнер
- Бош ролларда: Дебра Мессинг, Дермот Мулрони, Эми Адамс
Бош қаҳрамон Кейт ўгай синглисининг тўйи сабаб ота-онасининг уйига бормоқчи. Қиз қариндошларидан ташқари, у ерда собиқ севгилиси билан учрашишини аниқ билади, шунинг учун у ажойиб кўринишда бўлиши, энг муҳими, келишган, ақлли ва меҳрибон “куёв” билан келиши керак. Кейт бунга ечим топади: бош қаҳрамон синглисининг тўйига бориш учун аёллар қалбини профессионал тарзда забт этувчилардан бирини ёллайди. У нафақат қизнинг оиласи ва дўстларини ҳайратда қолдиради, балки Кейтнинг ўзини ҳам мафтун этади.
Изоҳ (0)