Ёзда кўплаб фильмлар дунё экранларига чиқди. Бироқ куз мавсуми янада кўпроқ премьералар билан бойитилиши ваъда қилинмоқда.
“Жокер: икки кишилик телбалик”
Янги қисмнинг воқеалари оригинал “Жокер” фильмидан икки йил ўтгач содир бўлади. Артур Флек Аркҳем руҳий касалхонага тушиб қолади. Айнан шу ерда муваффақиятсизликка учраган комик ўз севгисини — Ҳарли Квиннни учратади.
“Веном: сўнгги рақс”
Янги фильм трилогиянинг якуний қисми бўлиши эҳтимолдан холи эмас. Бу сафар журналист Эдди Брок ва унинг ҳамроҳи Веном сайёрамизни бошқа сайёралардан келган душманлардан қутқариши керак бўлади.
“Ёвуз: Ғарб жодугарининг эртаги”
Ариана Гранде иштирокидаги “Оз мамлакатининг сеҳргари” эртагининг қайта талқин қилинган версияси экранларга чиқди. Воқеалар марказида Оз мамлакатидан бўлган икки дугона — ёвуз ва яхши жодугарларнинг саргузаштлари туради. Бир куни қизлар ўз эркинликларини ҳимоя қилиш ва мамлакатни асраш учун бирлашишга мажбур бўлади.
“Гладиатор 2”
“Гладиатор 2” Коммод Луцийнинг жияни ҳақида. У императорлик тахтидан воз кечиб, гладиатор бўлишга аҳд қилади. Шу йўл билан у болалигидаги қаҳрамони Максимуснинг хотирасига ҳурмат кўрсатмоқчи.
“Битлжус Битлжус”
Сентябрь ойида ниҳоят Тим Бёртоннинг узоқ кутилган фантастик фильмининг давоми чиқди. Сиквел оригинал фильмдан 30 йил ўтгач, суратга олинди. Фильмда бош қаҳрамон Лидиянинг қизи Астрид ҳақида ҳикоя қилинади. Бир куни онаси қизига исми уч марта такрорланиши мумкин бўлмаган Битлжуснинг кимлигини айтишга қарор қилади. Қизиқувчанлик устун келади ва Астрид бу қоидани бузишга қарор қилади.
“Гарф Монте Кристо”
Эдмон Дантес туҳмат қурбонига айланади ва тўйи куни ҳибсга олинади. Аммо у ҳеч қандай жиноят қилмаган. 14 йил қамоқда ўтиргандан сўнг, у ниҳоят қочишга муваффақ бўлади. Кейин Эдмон қамоқдаги дўсти айтган хазинани топади ва Монте-Кристо графига айланади.
Фильмнинг кейинги воқеалари Эдмоннинг қасос олиш ва ўз ҳаётини қайта тиклашга бўлган ҳаракатларини ўз ичига олади, бу эса унинг олдида кўплаб тўсиқлар ва синовларни келтириб чиқаради.
“Ёлғиз бўрилар”
Агар топшириқ берилган жойда иккита қотил учрашиб қолса нима бўлади? “Ёлғиз бўрилар” комедик фильмида шу нарса ҳикоя қилинади. Кутилмаган тўқнашувдан сўнг ёлланма қотиллар жамоа бўлиб ишлашни ўрганишлари керак бўлади.
Изоҳ (0)