Қорақалпоғистонда 2 минг 680 бош йўрға тувалоқлар ёввойи табиатга қўйиб юборилди. Бу ҳақда Қорақалпоғистон Республикаси Экология, атроф-муҳитни муҳофаза қилиш ва иқлим ўзгариши вазирлигининг матбуот хизмати хабар бермоқда.
Ўзбекистон “Қизил китоб”и ҳамда Табиатни муҳофаза қилиш халқаро уюшмаси “Қизил китоб”га киритилган ва йўқолиб кетиш хавфи остидаги ёввойи фауна ва флора турлари билан халқаро савдо қилиш (CITES) конвенциясининг 1-иловасига киритилган ноёб қуш – йўрға тувалоқларни Қорақалпоғистон ҳудудининг ёввойи табиатига ҳар йили 2 минг бошдан 3 минг бошгача қўйиб юборишни режалаштирилган.
-0d5lA3J0.jpg)
Режага асосан, Қўнғирот тумани Устюрт текислигига жами 2 минг 680 бош йўрға тувалоқ қушлари қўйиб юборилган.
Йўрға тувалоқ қушлари турнасимонлар оиласига мансуб қушларнинг бир тури бўлиб, асосан ҳашаротлар ва қисман ўсимликлар билан озиқланади. Ўзбекистонда 3 тури тўхтатувалоқ, бизғатувалоқ, йўрға тувалоқ учрайди. Бу қушлар ов қушлари қаторига киради. Сони кескин камайиб кетганлиги туфайли Ўзбекистон Қизил китобига киритилган.
Изоҳ (0)