Германия канцлери Олаф Шольцнинг Ўзбекистонга ташрифи, 400 дона тошбақани яширинча олиб ўтмоқчи бўлганларнинг тўхтатиб қолиниши, Тошкентда Cobalt’нинг йўл четидаги темир тўсиққа урилиб айланиб кетиши — “Дарё” нашри бугун, 16 сентябрда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистон ва Германия ўртасида меҳнат миграцияси соддалаштирилади
Миграция ва мобиллик соҳасида ҳукуматлараро битим имзоланди.
Ўзбекистон ҳамда АҚШ божхона соҳасида ҳамкорлик ва ўзаро ёрдам қилишга келишди
Бу борада икки томонлама битим имзоланди. АҚШ бундай битимни дунё бўйича атиги 18 та давлат билан имзолаган.
Ўзбекистонда модулли меҳмонхона қуриш ва жиҳозлаш учун субсидия ажратилади
Тадбиркор субсидия олиш учун ариза берганда қандай талабларга жавоб бериши кераклиги айтилди.
Шавкат Мирзиёев ва Олаф Шольц икки мамлакат етакчи компания ҳамда банклари вакиллари билан учрашув ўтказди (фото)
Ҳамкорликнинг асосий йўналишлари белгилаб олинди. Бу “яшил” энергетика, машинасозлик, фармацевтика саноати ва бошқа соҳаларда саноат кооперациясини назарда тутади.
“Ходимларга қулдек муносабатда бўладиган шахслар жазосиз қолмайди” — ҳуқуқшунос
Inbazar савдо маркази раҳбари Омадбек Холматов томонидан ходимларни ҳақорат қилиш, калтаклаш ҳолатлари акс этган бир нечта видео тарқалди. Бу жамоатчилик томонидан кескин эътирозларга сабаб бўлди.
Қашқадарёда хотинини келинлари, ўғли ва набираларининг ёнида ёқиб юборган эркакка ҳукм ўқилди
У аёлга “сени ўлдирмасам, қутулмас эканман” деб, юз ва кўкрак қисмларига бензин сепиб, ёқиб юборган.
Шавкат Мирзиёев ва Олаф Шольц бошқарув кадрларини тайёрлайдиган қўшма мактабни очиб берди
Унинг асосий мақсади Ўзбекистон ҳудудларида бошқарув кадрларининг ижтимоий-иқтисодий ривожланиш борасидаги салоҳиятини оширишдан иборат.
Шавкат Мирзиёев ва Германия канцлери Олаф Шольц биргаликда дарахт экди (фото)
Ўзбекистон—Германия саммити якунида дарахт экиш маросими бўлиб ўтди.
Ўзбекистондан 400 дона тошбақани яширинча олиб чиқмоқчи бўлганлар тўхтатиб қолинди
Ушбу тур “Қизил китоб”нинг янги нашрига киритилган.
Тошкентда фуқароларга фоизга пул бериб, уй-жойига эга чиққан яна уч киши қамоққа олинди
Гаров қарз миқдоридан 3-4 баравар кўп бўлган ва қарз олувчиларга келишилганидан камроқ пул берилган.
Шавкат Мирзиёев Қозоғистонда Марказий Осиё – Германия саммитида иштирок этади
Саммитда минтақа мамлакатларининг Германия билан кўп қиррали ҳамкорлигини янада ривожлантириш ва чуқурлаштириш масалалари муҳокама қилинади.
Қашқадарёда “КамАз” орқа тиркамаси чиқиб кетиши оқибатида учта транспортга бориб урилди
Ҳодиса оқибатида бир нафар ҳайдовчи жароҳатланди.
Тошкентда Cobalt йўл четидаги темир тўсиққа урилиб айланиб кетди
Ҳодиса оқибатида ҳайдовчи тан жароҳати олган.
Изоҳ (0)