Президентнинг Паралимпия ўйинлари совриндорлари билан учрашуви, Андижондаги мактабда ўқувчи қизларнинг ўтириб-турғизилиб жазоланиши, Рақобат қўмитасининг UzAutoMotors ва унинг дилерига нисбатан иш қўзғатиши — “Дарё” нашри бугун, 13 сентябрда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Андижонда кон ҳудуди портлатилди
Ҳудуд атрофида сирена воситасида аҳолини хабардор қилиш ишлари амалга оширилган.
“Ҳаво ҳароратида тўсатдан совиш эффекти юзага келиши мумкин” — иқлимшунос Эркин Абдулаҳатов
“Бу йилги мавсумда совуқлик тўлқинлари узоқроқ давом этади”, дея об-ҳавони прогноз қилди мутахассис.
Транспорт, Мактабгача ва мактаб таълими ҳамда Маданият вазирликларидаги юзлаб ходимлар тадбиркорлик билан шуғулланаётгани аниқланди
Тадбиркорлик субъектларида таъсисчилик қилаётган ходимларга нисбатан огоҳлантириш хатлари берилди.
Навоийда пул эвазига Литвага ишга юборишни ваъда қилган шахс ушланди
У пишириқлар пишириш йўналишида ўқигани ҳақида сохта диплом тайёрлаб беришини айтган.
Тошкентдаги шифохонада эркак бошқа палатадаги эркакни қучоқлаб тегажоғлик қилди
Айбланувчига нисбатан суд ҳукми ўқилди.
Рақобат қўмитаси UzAutoMotors ва унинг дилерига нисбатан иш қўзғатди
Носозлиги сабаб Lacetti’си ёниб кетган фуқарога янги автомобиль берилди.
Саида Мирзиёева ЖСТ бош директори билан учрашди
Мулоқотда ташкилотга аъзо бўлиш йўлида Ўзбекистон томонидан кўрилаётган амалий қадамлар муҳокама қилинган.
Андижондаги мактабда ўқувчи қизлар ўтириб-турғизилиб жазоланди (видео)
Уларни шу орқали “тартибга чақирган” ходимга чора кўрилди.
“Паралимпия ўйинлари – бу чинакам ирода, жасорат ва матонат, эзгулик ва гуманизм намойиши” — Шавкат Мирзиёев
Президент Кўксарой қароргоҳида Париждаги Паралимпия ўйинларида иштирок этган спортчилар, уларнинг ота-оналари ва мураббийлари билан учрашув ўтказмоқда.
“Юксак матонатли қизларимиз ҳам Ўзбекистон ғалабасига муносиб ҳисса қўшганлари тўғрисида ҳар қанча ғурур ва ифтихор билан гапирсак арзийди” — президент
Давлат раҳбари ўйинларда эришилган рекорд натижаларга урғу берди.
Президент спортчиларнинг ота-оналари, оила аъзоларини ҳам олқишлаб, уларга эзгу тилак билдирди
Тадбирда моҳир ва жонкуяр мураббийларга, барча мутасадди ва мутахассисларга ҳам миннатдорлик билдирилди.
“Ҳумо арена” ёнидаги кўчаларда транспорт ҳаракати вақти-вақти билан чекланади
Тошкент шаҳри 14 сентябрдан 6 октябргача футзал бўйича жаҳон чемпионатига мезбонлик қилади.
“Бой ва камбағал қатлам ўртасидаги фарқни камайтириш учун коррупцияга йўл қўймаслик керак” — БМТ Тараққиёт дастурининг Ўзбекистондаги доимий вакили
БМТ Тараққиёт дастури Ўзбекистон ва ОАВ вакилларига антикоррупция стратегияларини ишлаб чиқишда ҳамда ҳуқуқий базани шакллантиришда ёрдам беради.
Шавкат Мирзиёев Паралимпия ўйинлари совриндорларига фахрий унвон, орден ва медалларни топширди
Президент халқ номидан спортчиларни табриклаб, нутқ сўзлади.
“Омонқўтон” миллий табиат боғида табиатга 1,1 млрд сўм зарар етказилди
Жами 64 туп дарахт ва буталар ҳамда “Қизил китоб”га киритилган 12 турдаги 2,6 минг туп ўсимлик пайҳон қилинган.
Изоҳ (0)