Голливуд юлдузларининг ҳавас қилса арзигулик қизлари доимо омма эътиборида. Улар нафақат машҳур ота-оналари сабабли, балки ўз истеъдоди туфайли ўз мухлисларига эга.
Кая Гербер — Синди Кроуфорд ва Ренди Гербернинг қизи
Бадавлат тадбиркор ва супермоделларнинг меросхўри Кая Гербер ота-онаси каби жозибали ва истеъдодлидир. У онаси ишлаган касбни танлади ва ҳозирда мода оламида фаолият юритиб келмоқда.
Лени Клум — Ҳайди Клум ва Силнинг қизи
2004 йилда туғилган Лени Клум икки йил олдин моделлик фаолиятини бошлади. Аввал у онаси билан биргаликда Vogue Deutch муқовасида пайдо бўлди. Шундан сўнг Лени яккахон моделлик фаолиятини бошлади. Модель шу вақтгача Glamour Germany, Harper’s Bazaar Germany ва ELLЕ журналларининг муқоваларида чиққан. Шунингдек, у Dior ва Dior Beauty амбассадори ҳисобланади.
Моделнинг биологик отаси италиялик тадбиркор Флавио Бриаторе, аммо Ҳайди ҳомиладорлик пайтида у билан ажрашган ва Лени кейинчалик мусиқачи Сил томонидан асраб олинган.
Дева Кассел — Моника Беллуччи ва Винсент Касселнинг қизи
Гўзаллик борасида онасидан қолишмайдиган Девани мода оламида ёрқин келажак кутаётганига шубҳа йўқ. Кассел 2019 йилда онаси узоқ вақтдан буён ҳамкорлик қилиб келадиган Dolce&Gabbana бренди билан шартнома тузишга муваффақ бўлган. Бренднинг парфюмерия тармоғи амбассадори бўлган Дева атир рекламасида суратга тушган. Моделликдан ташқари у мусиқага ҳам қизиқади, гитара чалиш ва қўшиқ куйлашни яхши уддалайди.
Мидоу Уокер — Пол Уокер ва Ребекка Сотероснинг қизи
Мидоу “Форсаж” франшизасида Брайан O’Коннор образини гавдалантирган Пол Уокернинг ягона фарзанди. 2017 йилда у Walker DNА Моdels агентлиги билан шартнома имзолади. У Proenza Schouler ва Givenchy каби брендлар билан ҳам ишлаган. Мидоу йога, акупунктура ва тиббиётга қизиқади. У 2015 йилда асос солган Тhе Paul Walker Foundation номли экологик ташкилоти орқали отасининг хайрия ишларини давом эттирмоқда.
2021 йил октябрь ойида Мидоу Уокер актёр Луи Торнтон-Аллан билан Доминикан Республикасида турмуш қуришган эди. 2024 йил февралда жуфтлик ажрашгани маълум бўлган.
Лили-Роуз Депп — Жонни Депп ва Ванесса Парадининг қизи
Лили-Роуз француз ва америкалик актриса бўлиб, санъатда ўз фаолиятини “Таск” (2014) фильмида эпизодик ролни ижро этиш билан бошлаган ва модел сифатида давом эттирган. У 2015 йилдан бери Chanel модалар уйининг юзи ҳисобланади.
Керис Дуглас — Кетрин Зета-Жонс ва Майкл Дугласнинг қизи
Голливуднинг энг гўзал актрисаларидан бири Кетриннинг қизи Керис Дуглас ҳозирда 21 ёшда бўлиб, мактабда ўқиб юрган кезлари ўзини моделлик соҳасида синаб кўради. У онаси билан мода саноатига оид турли тадбирларда иштирок эта бошлади, сўнг илк бор италян бренди Fendi учун суратга тушди. Ҳозирда Керис Дуглас моделлик карьерасини давом эттирмоқда.
Лила Грэйс Мосс — Кейт Мосс ва Жефферсон Ҳекнинг қизи
Модель Кейт Мосс ва Жефферсон Ҳекнинг қизи ҳам касб борасида онасининг изидан кетган. 21 ёшли соҳибжамол аввалига реклама кампанияларида суратга тушган. 2020 йилда Мiu Miu’нинг чиқишларида иштирок этган. Кейинчалик у Vogue Italia ҳамда Маrs Jacobs Beauty журнал муқовасини безаган.
Изоҳ (0)