Кино олами қанчалар катта бўлмасин, суратга олиш майдончасида кўпинча қариндош актёр ва актрисалар ҳам иштирок этади. Кўплаб актёрлар карьераси боболардан тортиб набираларгача бўлган профессионал сулолаларга тегишли. Қуйида бир хил лойиҳаларда ишлаган юлдузлар ва уларнинг фарзандларини кўриб чиқамиз.
Юен Макгрегор ва Клара Макгрегор
2023 йилда актёр Юен Макгрегор ўзининг 27 ёшли қизи Клара билан бирга “Қонли севги” фильмида бирга суратга тушди. Улар узоқ вақтдан бери бузилган муносабатларни тиклашга ҳаракат қилаётган ота ва қиз образларини гавдалантирди. Клара Макгрегор 5 йил аввал отасининг “Кристофер Робин” фильмида ҳам эпизод роли билан иштирок этган.
Итан Ҳоук ва Майа Ҳоук
Америкалик театр актёри ва кинорежиссёр Итан Ҳоук ўзининг бешинчи тўлиқ метражли фильмини 2023 йилда суратга олган. Унда бош ролни қизи Майя ижро этган. “Ёввойи мушук” (2023) номли фильмда Майа Фланнери O’Коннор —ўзининг биринчи асарини нашр этишга ҳаракат қилаётган ёзувчи образида пайдо бўлади.
Шон Пенн ва Дилан Пенн
2021 йилда Шон Пенн ўзининг 30 ёшли қизи Дилан билан “Қалбаки пул сотувчиси” номли криминал фильмда ота ва бола ролини ижро этган.
Лиам Ниссон ва Майкл Ниссон
Майкл Ниссон отаси Лиам Ниссон билан 2019 йилда “Қор тозаловчи” фильмида бирга иштирок этган. 2020 йилда улар “Италияда ишлаб чиқарилган” фильмида рафиқаси ва онасининг ўлимини кўрган ота ва ўғил ролларини ўйнашган.
Кейт Уинслет ва Миа Триплтон
14 ёшли Миа Триплтон биринчи марта 2014 йилда онасининг “Верал ишқи” фильмида иштирок этди. 2022 йилда эса она ва қиз “Мен борман” сериалида биргаликда бош ролларни ижро этишди.
Курт Расселл ва Уаят Расселл
Курт Расселл ва унинг 37 ёшли ўғли Уаят “Монарх: махлуқлар мероси” сериалида бир хил рол — қаҳрамоннинг ёшлиги ва улғайган вақтидаги образни ижро этди.
Кевин Смит ва Ҳарли Квин Смит
23 ёшли Ҳарли Квин Смитнинг актёрлик карьераси бутунлай отасининг фильмларига асосланган. У уч ёшидан бошлаб эпизодларда чиқа бошлади, 2022 йилда “Бу ерда Килрой бор эди” фильмида бош қаҳрамонни гавдалантирди. Унинг отаси билан боғлиқ бўлмаган ягона муваффақиятли лойиҳаси бу — “Шафқатсиз ёз” (2021) сериалидир.
Керри Фишер ва Билли Лурд
Америкалик марҳум актриса Керри Фишер “Юлдузлар жанги” фильмида ота-онаси машҳур бўлгани учун иштирок эта олган, деган тахминлар бор. Аммо унинг қизи Билли Лурд карьерасини ўз меҳнати билан ривожлантириб бормоқда. У 2015 йилда “Юлдузлар жанги: кучлар уйғониши” фильмида ўзининг дебют ролини ўйнади ва мазкур лойиҳадан сўнг унинг актрисалик фаолияти гуллай бошлади.
Адам Сендлер ҳамда Санни ва Сенди Сендлер
Адам Сендлернинг қизлари ёшлигиданоқ оталарининг фильмларида суратга тушишган. Ҳозирда эса ёш актрисаларга катта лойиҳаларда иштирок этиш таклифлари берилмоқда. Масалан, 2023 йилда суратга олинган “Сен менинг Бат Митзвацимга таклиф этилмагансан” комедиясида Адам Сендлер иккинчи даражали рол, унинг қизи Санни эса бош қаҳрамонни ижро этган.
Изоҳ (0)