Доимий тирбандликлар, вақтнинг тез суратда ўтиб кетиши, шовқинли кўчалар... шаҳардаги ҳаётдан бир зум дам олиб, олис ва сокин ерларга боришни ким ҳам истамайди? Бугунги қаҳрамонларимиз ҳам Голливуднинг осмонўпар бинолари ва стрессга тўла шаҳарларидан қочиб, чекка ҳудудларда қўним топишни мақул кўрган.
Никки Рид
Никол Хьюстон Рид турмуш ўртоғи Иен Сомерҳолдер билан фермадаги шинам уйига кўчиб ўтишган. Улар биринчи навбатда фарзандларини интернет ва ижтимоий тармоқларнинг ҳаддан ташқари таъсиридан ҳимоя қилишни мақсад қилди. Албатта, табиат, ўсимлик ва ҳайвонот дунёсида ўтган болалик бахтли ва қадрли бўлади.
Юлдузлар оиласи шахсий томорқасида сабзавот ва мевалар етиштиради, ҳайвонларни боқади. Вақти-вақти билан ижтимоий кечаларда иштирок этиш учун шаҳарга бориб туради.
Метю Макконаҳи
Шаҳар шовқинидан узоқда яшаган киши нафақат руҳан дам олиши, балки оиладаги муносабатларни ҳам сақлаб қолиши мумкин. Техасдаги ранчосига кўчишдан аввал Метю Макконаҳи ва унинг рафиқаси, фотомодел Камила Алвес Лос-Анжелесда яшаган:
“Malibu шаҳрида бахтли ҳаёт кечирдик. Меҳр билан қурган гўзал уйда фарзандларимизни катта қилдик, шинам боғимиз ҳам бор эди”, — деди Камила.
Шунга қарамай, унинг турмуш ўртоғи доим ватанини соғинишини билар эди ва муносабатларини яхшилаш учун улар бир муддат Техасга кўчиб ўтишга қарор қилди. У ерда юлдузлар бир-бирини яхшироқ тушуниб, муросага кела бошлагач, Техасда доимий қолишга келишилди.
Белла Ҳадид
Чавандоз Адан Бануэлос билан учрашишни бошлаган Белла Ҳадид унинг уйи яқинидаги фермерлик уйини сотиб олди ва шаҳар чеккасига кўчиб ўтди. Инсайдерларнинг сўзларига кўра, юлдузлар тез-тез бир-бирининг уйига ташриф буюради ва шаҳар шовқинидан узоқ ерларда ҳордиқ чиқаради.
Жулия Робертс
Голливуд актрисаси Жулия Робертс ҳам ўзининг шинам фермерлик уйида яшайди. У ерда актриса товуқ боқиш, сабзавот ва мевалар етиштириш, шунингдек, от миниш кабилар билан шуғулланади. Дарвоқе, Жулия Робертс ажойиб чавандоз ҳамдир.
“Турмуш ўртоғим оиламиз саломатлиги ва атроф-муҳитга жуда катта эътибор беради, шунинг учун биз озиқ-овқат маҳсулотларини ўзимиз етиштирамиз ва ҳар куни янги, органик жиҳатдан тоза маҳсулотлар истеъмол қиламиз”, — дейди актирса.
Amanda Сайфред
Америкалик актриса ва хонанда Amanda Сайфред турмуш ўртоғи Томас Садоски ва фарзандлари билан Кацкилл шаҳрида яшайди. Уларнинг кенг фермасида 30 га яқин уй ҳайвонлари — жўжа, ўрдак, товуқ, эчки, отлар ва бошқа кўплаб ҳайвонлар бор.
Актрисанинг сўзларига кўра, тонгда барвақт уйғониб, ҳайвонларга емиш бериш бир соат вақтини олади. Бу жараён юлдузни баъзан чарчаца ҳам, фақат ижобий ҳис-туйғуларни беради.
Зейн Малик
Британиялик хонанда фермада нафақат дам олиш, балки боғдорчилик билан шуғулланиш билан ҳам вақт ўтказади.
Бундан ташқари хонанда Пенсилваниядаги фермада сигир, от, товуқ ва ит ва мушукларни боқади. Маликнинг сўзларига кўра, табиат қўйнида вақт ўтказиш унинг қалбини тинчлантиради.
Изоҳ (0)