Вазира исмли ўзбекистонлик модель ўзининг Instagram саҳифасида ФҲДЁ марказидаги никоҳдан ўтиш маросимидан олинган суратларини жойлаштирди. Машҳур Голливуд актёри Уилл Смит пост остида модел ва унинг турмуш ўртоғига ўз табрик ва тилакларини қолдирди, дея хабар бермоқда “Подробно.uz”.
Вазиранинг турмуш ўртоғи жаҳон миқёсидаги голландиялик продюсер Орландо Жон бўлиб, у “Меру қасри” (The Chateau Meroux) фильми ҳамда “Ўлим жанги: Мерос” (Mortal combat: Legacy) телесериалини суратга олган.
Тахмин қилинишича, Орландо Жон америкалик актёр Уилл Смит билан яқин дўст: Смит биринчилардан бўлиб ёшларга оилавий ҳаёт қувончи ва чексиз бахт тилаб изоҳ қолдирган.
Ижтимоий тармоқларда келин байрам зиёфати тез орада бўлиб ўтишини айтиб ўтди. Қизиқ, Смит дўстининг тўйига ташриф буюрармикан?
Изоҳ (0)