“Муҳташам юз йил”, “Қора севги”, “Ҳукмдор Усмон” ва бошқа кўплаб сериалларидаги роллари билан танилган турк киноюлдузи Бурак Ўзчивит ўзининг тўрт қаватли ҳашаматли хонадонида оиласи билан яшаб келмоқда.
Бу уйда кўпчиликнинг орзусидаги шароит муҳайё: катта сув ҳавзаси, кўркам боғ, кенг хоналар… Қизиқарлиси, уйнинг ички дизайни учун Ўзчивит оиласи ҳеч қандай дизайнер ёлламаган — барчасини ўзлари бажарган.
Буракнинг рафиқаси Фаҳрие унинг юмушларини бошқалар қилишини ёқтирмайди, шу сабабли асосий уй ишлари ва таом тайёрлашни ҳеч кимга ишонмайди. Фаҳрие тайёрлаган таомларни Бурак суратга тушиш майдонларига ўзи билан олиб кетишни маъқул кўради. Фаҳрие ҳафтада бир марта уйга умумий тозалаш хизматчиларини ёллайди.
-HE2GkDHC.jpeg)
Уйнинг дизайни минимализм ва классика усулида бўлиб, оч ранглардан фойдаланилган. Уларнинг уйида ёрқин рангда фақатгина битта қизил диван бор.
Ҳеч қайси хонадаги деворда расмлар, фоторамкалар йўқ. Барча мебеллар табиий материаллар — ёғоч, гранитлардан ясалган. Хонадон шифт ва деворлари турли хилдаги ҳайкалтарошлик безаклари, ғиштин нақшлар билан безатилган.
Шунингдек, Фаҳрие ноодатий дизайндаги лампа ва бра чироқларини яхши кўради — чироқлар актрисанинг ҳоббиларидан биридир.
-aXGMNF0z.jpeg)
Ўзчивитлар оиласининг уйи Истанбул шаҳрининг энг манзарали туманларидан бирида жойлашган. Панорама ойнали балкондан ташқарига чиқсангиз, табиатнинг ажойиб кўринишидан баҳраманд бўласиз.
Ҳовли ва кенг боғ алоҳида эътиборга лойиқ. Унда табиат қўйнида ҳордиқ чиқариш учун барча қулайлик ва гўзалликлар мавжуд.
Бурак ва Фаҳриенинг Туркияда бошқа уйлари ҳам мавжуд, аммо оила айнан шу хонадонда кўпроқ вақт ўтказишни ёқтиради.
Изоҳ (0)