Анант Амбани ва Радҳика Мерчантнинг ўтган ойда бўлиб ўтган дабдабали тўйи, байрам тафсилотлари март ойидан бери кўплаб хорижий ОАВ тилидан тушмади. Ҳақиқатан, ушбу ҳашаматли маросимлар бутун дунёдан кўплаб машҳур инсонларни жалб қилди.
Никоҳ маросимида жамиятнинг энг юқори қатламларидан бўлган юзлаб шахслар иштирок этди. Албатта, меҳмонлар тўйга қуруқ қўл билан ташриф буюрмади. Қуйида янги турмуш қурганларга берилган энг қимматбаҳо тўй совғаларини кўриб чиқамиз.
Палм Жумейрадаги хусусий пляжга эга уй
Анантнинг ота-онаси Мукеш Амбани ва Нита Амбани келин-куёвга Палм Жумейрадаги 3000 квадрат метрлик қимматбаҳо уй совға қилишди. Унда ўнта ётоқхона ва хусусий пляж мавжуд. Хонадон 76,2 миллион долларга баҳоланган.
Bentley Continental GTC тезюрар автомобили
Анант ва Радҳиканинг ота-онаси Дубайдаги уйдан ташқари 645 минг долларлик Bentley Continental GTC Speed машинасини совға қилди.
Қимматбаҳо тақинчоқлар
Радҳика Мерчантнинг қайнона-қайнотаси Мукеш ва Нита Амбани келинига Cartier брендидан 260 минг долларлик билакузук ҳамда 1,3 миллион долларлик марварид ва бриллиант тақинчоқ берди.
Bugatti
Amazon компаниясининг собиқ президенти ва бош директори Жефф Безос Анант ва Радҳикага 1,4 миллион долларлик Bugatti машинасини совға қилди.
Lamborghini
Америкалик актёр Жон Сина янги турмуш қурганларга 360 минг долларлик Lamborghini машинасини ҳадя қилди.
Шахсий самолёт
Facebook ижтимоий тармоғига асос солган дастурчи Марк Цукерберг келин-куёвга 36 миллион долларлик шахсий самолётини юборди.
Бриллиант узук ва яхта
Миллиардер Билл Гейтс жуфтликка 1,1 миллион долларлик бриллиант узук совға қилди. Баъзи манбалар Гейтс ҳиндистонлик эр-хотинга 21,5 миллион долларлик ҳашаматли яхта совға қилгани ҳақида ҳам ёзишган.
Тилла занжир
Болливуднинг машҳур жуфтлиги Катрина Каиф ва Вики Каушал Анант Амбани ва Радҳика Мерчантга тўй совғаси сифатида 23 минг долларлик тилла занжир беришди.
Қўл меҳнати билан ишланган рўмол
Болливуд актёри Сиддхарт Малхотра ва унинг рафиқаси Киара Адвани 30 минг долларлик қўлда ишланган қимматбаҳо рўмол совға қилишди.
Олтин қалам
Болливуд юлдузи Акшай Кумар Амбани жуфтлигига 73 минг долларлик тилла қалам ҳадя қилди.
Франциядан янги квартира
Болливуд қироли Шоҳрух Хон янги келин-куёвга Франциядан 4,8 миллион долларлик ҳашаматли квартира совға қилди.
Яна бир қимматбаҳо тақинчоқ
Баччанлар оиласи Радҳикага зумраддан ясалган 3,6 миллион долларлик тақинчоқларни совға қилди.
Mercedes
Хабар қилинишича, Алиа Бҳатт ва Ранбир Капур жуфтликка 1,1 миллион долларлик Mercedes-Benz машинасини ҳадя қилган.
Спорт мототцикли
Актёр Салмон Хон жуфтликка 1,8 миллион долларлик спорт мототциклини совға қилди.
Rolls Royce
Баъзи ОАВ таъкидлашича, Болливуднинг энг гўзал жуфтликларидан бири Ранвир Сингҳ ва Дипика Падуконе ёшларга махсус буюртма асосида тайёрланган 2,5 миллион долларлик Rolls Royce совға қилган.
Изоҳ (0)