Ҳар йили май ойининг охирги якшанбасида Халқаро эгизаклар куни нишонланади. Жорий йилда мазкур байрам 31 май санасига тўғри келди. Бугун эса бир-бирига икки томчи сувдек ўхшаш бўлган Голливуднинг ёрқин юлдузлари ҳақида сўзлашамиз.
1. Мери Кейт ва Эшли Олсен
Илк марта эгизаклар Мери Кейт ва Эшли Олсен “Тўлиқ уй” (1897-1995) телесериалида кўриниш берган. У пайтда улар бир ёшга ҳам тўлмаган эди. Болалар галма-галдан бош қаҳрамоннинг кенжа қизи ролини ижро этишди. Кейинроқ қизлар 9 ёшида “Эгизаклар: мен ва соям”, “Диснейнинг сеҳрли дунёси”, “Майда безорилар”, ўсмирлик даврида эса “Жуда оз вақт” ва бошқа лойиҳаларда иштирок этишди.
Ҳозирда опа-сингил Олсенлар шахсий ҳаётини сир сақлашга оммавий тадбирларда қатнашмасликка, ижтимоий тармоқлардан фойдаланмасликка ҳаракат қилади. Камдан-кам ҳолатда бирор тадбирга ташриф буюрган тақдирда ҳам журналистларга интервью беришдан бош тортади.
2. Скарлетт ва Ҳантер Йоханссон
Америкалик актриса Скарлетт Йоханссоннинг эгизак акаси борлиги кўпчиликка номаълум бўлса керак. Унинг исми Ҳантер бўлиб, у ўзини актёрликда ҳам синаб кўрди. Бироқ Голливуд ва шоу-бизнес Ҳантерга ёқмади. Сўнг у сиёсатга, кейин эса тадбиркорлик соҳасида ишлай бошлади. Скарлетт ундан атиги 3 дақиқага катта опадир.
“Менимча, кўплаб инсонлар ўзининг кўзгусига айланадиган ҳамроҳ излашга узоқ вақт сарфлайди. Менинг эгизак укам Ҳантер мен учун доим шундай ҳамроҳ бўлиб келган”, — деди Скарлетт интервьюлардан бирида.
3. Эштон ва Майкл Кутчер
Эштон Кутчернинг акаси Майкл мия фалажи билан туғилган. Болалигида у кўплаб оғир операцияларни, жумладан 13 ёшида Майкл юрак трансплантациясини бошдан кечирган.
Эштон ҳар доим акасига ғамхўрлик қилган ва мактабда безори болалардан ҳимоя қилган. Ҳозирда Майкл мия фалажи бор бўлган болалар учун биринчи даражали ҳуқуқшунос ҳисобланади ва у ногирон оилаларга керакли ёрдамни топишда фаол ёрдам беради.
4. Дилан ва Коул Спроус
Disney канали юлдузлари “Ҳаммаси тип-топ ёки Зак ва Коди ҳаёти” (2005–2008) сериали орқали АҚШда машҳурликка эришди. Ҳозирда Дилан ва Коул Спроус фильмларда ажойиб образларни гавдалантиришда давом этмоқдалар. Хусусан, Дилан Спроус 2023 йилда “Менинг ажиб бахтсизлигим-2” фильмида суратга тушди.
5. Линда ва Лесли Ҳамилтон
Голливуд актрисаси Линда Ҳемилтон 80–90 йилларнинг машҳур жанговар йўналишда суратга олинган “Терминатор” фильмида Сара Коннор ролини ижро этиб, катта машҳурликка эришди. Машҳур актрисанинг эгизак синглиси Лесли ҳаётини тиббиётга бағишлади, аммо бу унинг “Терминатор-2” фильмида эпизодик рол ўйнашига тўсқинлик қилмади.
Айни пайтда 67 ёшли актриса Линда Ҳемилтон кино соҳасига қайтишни истамайди, унинг эгизаги Лесли эса 2020 йилда 64 ёшида вафот этди.
Изоҳ (0)