Бир қарашда Marvel оламининг бир қисми бўлиш — энг катта орзу. Қайси актёр буни хоҳламайди? Аммо ҳаммаси ҳам ташқаридан кўрингандек ҳавас қиларли эмас.
Идрис Эльба — “Тор: зулмат салтанати”
Ҳеймдалл роли туфайли чексиз қудратга эга бўлиш Идрисга қувонч келтирмайди. Шу роли сабаб у бошқа дунёларни кўради ва Асгардда ҳамма нарсани назорат қила оларди. Бу ерда гап карьера ўсиши ҳақида кетмаяпти, балки фильмдаги образи ҳақида эди. Дарвозаларни очиш каби бир хил иш билан шуғулланиш актёрнинг жонига тегади ва у лойиҳадан кетишга қарор қилади.
Терренс Ҳовард — “Темир одам”
Тони Старк ҳақидаги биринчи фильм суперқаҳрамонлар учун ҳақиқий топилма бўлди. Албатта, кўплаб актёрлар яхшигина гонорар олади. Улар орасида Терренс ҳам бўлган. Бироқ гонорарнинг катта қисми кичик Роберт Даунига берилиши керак эди. Айнан шу адолатсизлик туфайли Ҳовард Marvel’ни тарк этади.
Микки Рурк — “Темир одам 2”
Актёр ёвуз Иван Ванко образига ўта масъулият билан ёндашади. У дарҳол режиссёр Жон Фаврога ўз характерини кўп қиррали шахсга айлантирмоқчи эканлигини айтади. Аммо кейин нима бўлди?
“Улар менга шундай қилишимга рухсат беришди. Афсуски, Marvel шунчаки бир томонлама ёвуз одамни хоҳлади — мен иштирок этган кўплаб кадрларни кесиб ташлашди”.
Жессика Альба — “Фантастик тўртлик: кумуш сёрфернинг юксалиши”
Актрисанинг фикрича, асосий муаммо жамоага эркинлик берилмаганида. Унинг фильмдаги қаҳрамонини кўз ёшлари ҳам назорат қилинган. Режиссёрнинг актрисага қарата: “Жуда реал йиғлаяпсиз. Бу жуда ачинарли кўринади. Йиғлаганингизда гўзалроқ бўла оласизми? Чиройлироқ йиғланг, Жессика”, деган гапи актрисанинг нафсониятига теккан ва у лойиҳани тарк этган.
Жереми Реннер — “Қасоскорлар”
Жереми Marvel олами ва ўзининг қаҳрамонини яхши кўришига қарамай, “Қасоскорлар” фильмини мамнуният билан эсга олмайди. Гап шундаки, фильмда унинг қаҳрамони Локи иродасига бўйсуниб, ёлғон худосининг қўлида қўғирчоққа айланади:
“Фильмдаги образимни ёвуз деб аташ ҳам мумкин эмас, шунчаки унинг онги йўқ. Қаҳрамонимни чегаралаб қўйишди. Мен кўплаб трюклар бажара олардим, лекин ҳамма нарсани робот каби ҳиссиётларсиз қилишим керак эди”, — деб норози бўлади актёр.
Женнифер Гарнер – “Қўрқмас”
Фильмда актриса Электра ролини ўйнайди. Женнифер мазкур лойиҳа ҳақида гапирмасликка ҳаракат қилади, лекин суратга олиш унинг учун ёқимсиз хотирага айланган.
“Тўғрисини айтсам, бу ҳақда гапиришдан уяламан. Чунки бошқарув Кевин Фейж қўлига ўтгач, Marvel’даги ҳамма ишларнинг сифати тушиб кетди: фильм сценарийлари ҳам, режиссёрлик иши ҳам, фильм ичидаги комедик жиҳатлар ҳам. Ўша пайтда менда ҳам ҳозиргидек тажриба йўқ эди”, — деб шикоят қилади Гарнер.
Изоҳ (0)