Саҳна ортидаги жанжал, Ситоранинг келинсаломи, «Марио» ва «I операцияси». «Дизайн шоу»нинг янги концерт дастуридан репортаж (видео)

«Дизайн» жамоаси аъзоларининг таклифига кўра «Дарё» мухбирлари бу йилги сарҳисоб концерт дастурига бориб, саҳна орти жараёнлари ҳақида репортаж тайёрлашди.

Эслатиб ўтамиз, «Дизайн» жамоаси 2005 йилда Тошкент тўқимачилик ва енгил саноат институтини талабалари томонидан ташкил этилган. Улар институт номидан «Қувноқлар ва зукколар» танловида иштирок этиб, томошабинлар эътиборига тушган. Жамоа аъзолари  илк яккахон концерт дастурини 2010 йили «Туркистон» саройида тақдим этган.

Концерт аввалида жамоа аъзоларини қўллаб-қувватлаш учун кўплаб устоз санъаткорлар ва ҳамкасблари ташриф буюришди.

Ҳеч бир иш дуосиз бошланмайди, жамоа аъзолари ҳам ҳар бир чиқишидан аввал дуо олишга одатланишган.

Концертга Саъдулла Фатҳуллаевнинг онаси ҳам ташриф буюрди ва жамоани танқид қиладиганларга ўз муносабатини билдирди.— Ҳаммага ёқиш жуда қийин. «Дизайн»чиларни танқид қилишса жаҳлим чиқади. Аммо шунда ҳам ўғлимга ҳеч кимга оғир гапирма, хафа қилма деб уқтираман. Санъат бошқа касблардан фарқ қилади. Бу соҳада ишлаш учун «темирдан тиш бўлиш керак» деб бекорга айтишмас экан, — дейди Сурайё Фатҳуллаева.

Жамоа аъзолари бир неча йилдан буён айнан декабрь ойида концерт беришга одатланишган. Бунинг сабабини сўраганимизда, актриса Ситора Фармонова қуйидагича жавоб берди:— Бу саволни ўзимга ҳам бераман. Нега айнан қишда концерт беришимиз керак? Ҳаво совуқ бўлишига қарамай, зал мухлислар билан тўла эканлигини кўриб, хурсанд бўламан, — дейди актриса.

— Бу йилги концерт бошқаларига ўхшамайди. Чунки ҳар йили аввалги оммалашган ҳазилларнинг давомини қилардик. Бу йилги ҳазиллар ўзгача. Фақатгина Эрик Ҳайдарнинг оиласига алоҳида эътибор қаратдик, — дейди жамоа аъзоси Элмурод Ҳақназаров.

Ўзбекистонда хизмат кўрсатган артист Муҳаммадисо Абдулҳайиров ҳам жамоанинг ҳазилларида иштирок этди.

«Қаҳ-қаҳа» гуруҳи аъзолари ҳам концертга ташриф буюриб, уларни устоз сифатида концертига таклиф этган «Дизайн» йигитларига миннатдорлик билдиришди.

Бу йилги шоу Ситора Фармонованинг келинсаломи билан бошланди.

— Шу кунгача бирорта саҳна кўринишида қўшиқ куйламагандим. Бу йилги чиқиш умуман бошқача бўлди, — дейди актриса.

Эрик Ҳайдарнинг оила аъзоси ролида — Абдураҳмон Мавлонов.

Қобил Каримбердиев саҳнага чиқишга тайёргарлик кўраяпти.

Бу йилги концерт қўшиқ ва рақсларга бой бўлди. Хонанда Даврон Эргашев меҳмон санъаткор сифатида ташриф буюриб «Марио» қўшиғини ижро этди.

Эрик Ҳайдарнинг ноодатий имиджи мана шундай яратилади.

Жамоа аъзолари ҳар йилги концертда машҳур фильмга породия тайёрлашади. Бу йил улар «I операция» фильми воқеаларини саҳнада кўрсатишди.

Шурик ролида Дилшод Мусабоев.

Концерт якунида жамоа аъзоларининг оила аъзолари, ҳамкасблари ва ашаддий мухлислари саҳна ортига ўтиб, уларни табриклашмоқда.

Саҳна ортида Қобил Каримбердиевнинг бироз тоби йўқлиги сезилди. Аммо у томошабинлар буни пайқашларига йўл қўймади.

Жамоа аъзолари имконияти чекланган ашаддий мухлисини саҳна ортига таклиф қилиб, у билан суратга тушишди.

Агар саҳна орти жараёнлар қандай кечишини кўришни истасангиз, қуйидаги видеони томоша қилинг.

Мавзуга доир:

Нилуфар Усмонова «запрет»да бўлганми? — 15 йилда илк марта концерт бераётган хонанда билан суҳбат (фото, видео)

Маданият вазирининг Шерали Жўраев билан дуэти ва Мурод Хонтўраев оиласига мукофот. 20 йиллик «запрет»дан сўнг ўтказилган «Замин юлдузлари» тақдирлаш маросимидан репортаж (фото, видео)

Жаноб Расулнинг жонли ижродаги илк яккахон концерт дастуридан репортаж (фото, видео)

Гул ўрнига пицца олган ҳамда саҳнада устидан сув қуйилган Ёрқинхўжа Умаровнинг концертидан репортаж (фото, видео)

Зални «жонлантирган» Севинч Мўминова, саломатлиги оғирлашган хонанда ва саҳнага чақирилмаган Муҳаббат Қурбонова — Воҳиджон Исоқовнинг илк концертидан репортаж (фото ва видео)

Мусиқий билимга эга бўлмаган, клиплари ҳеч қачон телеканалларда кўрсатилмаган юлдуз. Жалолиддин Аҳмадалиевнинг илк яккахон концертидан репортаж (фото, видео)