Filmlardagi hayajonli sahnalarni tomosha qilgan muxlislar ko‘pincha har bir kadr ortida nimalar borligini bilmaydi. Quyida mashhur filmlardagi aktyor va rejissyorlarning boshqa rakursdagi fotosuratlarini taqdim etamiz.
“Po‘lat odam”
General Zod rolini ijro etgan Maykl Shennon o‘z qahramoni kostyumida emas, balki CGI maxsus kiyimida ishlagan, chunki haqiqiy kostyum juda noqulay va og‘ir bo‘lgan va Maykl qahramon harakatlarini bajara olmagan.
“Temir odam-2”
“Temir odam” filmining ikkinchi qismida Rodini endi Terrens Hovard emas, Don Chidl ijro etgan. Terrens o‘z roliga qaytishi mumkin edi, lekin u Kichik Robert Daunidan ancha kam gonorar olishini bilgach, studiya bilan munozara qildi. Shu sababli aktyor ham rolidan, ham kichik Daunidek do‘stidan mahrum bo‘ldi.
“Matritsa”
Garchi kinodagi voqealar AQSHda bo‘lib o‘tsa ham, film Avstraliyada suratga olingan. Kerakli joylarni topish uchun mas’ul bo‘lgan ishchilar Avstraliyada katta muammoga duch kelishgan, chunki Sidneyda ular AQSHni tasvirlash uchun iflos va qarovsiz qolgan joylarni topa olmagan. Natijada ko‘plab sahnalar kompyuter grafikasida yaratilgan.
“Supermenning qaytishi”
Supermen rolini Brendon Rout ijro etgan, ammo aktyor bu rolni yo‘qotishiga bir bahya qolgan. Kastingdan avval u rejissyor Brayan Singer bilan kafeda uchrashadi va tasodifan stol ustiga qahva to‘kib yuboradi. Brendon bu qilmishi tufayli rolini qo‘ldan boy berdi, deb o‘ylaydi, lekin Singerga bu ahamiyatsiz bo‘ladi.
“Jon Uik-3”
Franshizada Kianu Rivz birinchi marta mototsiklga mingan kadrlar olinadi. Hayotda aktyor mohir mototskil haydovchisi bo‘lsa-da, “Jon Uik” va “Jon Uik-2” da u faqat mashinada yurgani tasvirlangan. Rivz gavjum ko‘chalar bo‘ylab mototsiklda kaskadyorlik qilishga tayyor bo‘lishiga qaramay, u boshqa odamlar tomonidan boshqarilgan maxsus uskunaga o‘tirgan.
“Avatar”
Jeyms Kemeron “Avatar” filmi g‘oyasini 90-yillarning boshlarida o‘ylab topgan, lekin u vaqtda kino texnologiyasi hali yetarli darajada rivojlanmagan. “Uzuklar hukmdori: ikki qal’a” filmi namoyish etilgandan keyin hammasi o‘zgardi. Kemeron Piter Jeksonning ishini ko‘rdi va texnologiyalar talab darajasiga yetganini angladi.
“Dedpul”
Rayan Reynolds ko‘p yillar davomida Dedpulning ashaddiy muxlisi bo‘lgan va ushbu obrazni gavdalantirishni doim orzu qilgan. Natijada u 20th Century Fox studiyasi bilan kelishuvga erishdi va bir kun kelib o‘zi yakka holda o‘ynaydigan filmini suratga olishiga kafolat oldi. Faqat rejissyorlar unga bir shart qo‘yadi: bundan avval Reynolds “G‘aroyib odamlar. Ibtido. Rosomaxa” filmida Dedpul rolini o‘ynashi lozim bo‘lgan.
“Karib dengizi qaroqchilari: o‘liklar ertak aytmaydi”
“Karib dengizi qaroqchilari” franshizasidagi aynan shu qism eng past reytingga ega. Uning ssenariysi, grafikasi ijobiy baholanmagan. Hatto Jonni Deppning filmga qaytishi ham vaziyatni yaxshilamagan. Suratga olish paytida u Ember Hyord bilan ajrashayotgan edi, sud ishlari tufayli Depp tez-tez suratga olish maydoniga kechikar, syomka guruhi uni soatlab kutishga majbur bo‘lar edi.
“Yulduzlar jangi”
Zamonaviy texnologiyalar hali yuqori darajada rivojlanmagani sababli rejissyor Jorj Lukas va uning jamoasi noodatiy usullarda fantastik sahnalarni yaratgan. Ular turli xil asbob-uskunalar, sayyoralarning miniatyur modellarini yasash orqali maxsus effektlardan kam foydalangan holda filmni suratga olishgan.
“Qasoskorlar: cheksizlik jangi”
Aktyorlar film premyerasidan avval ssenariysi yoki finali qanday bo‘lishini oshkor qilib qo‘ygan paytlar bo‘lgan. Masalan, Uill Smit yapon jurnalistlariga “Men afsonaman” filmi qanday tugashi haqida aytib yuborgan. Shu sababli “Qasoskorlar” rejissyori Tom Holland Mark Ruffaloga ssenariyning faqat o‘ziga tegishli bir qismini o‘qishga ruxsat berilgan.
“Qasoskorlar: final”
“Qasoskorlar: final” premyerasi ikki kun ichida avvalgi kassa rekordlarini yangiladi. Bu kino tarixidagi ikki kun ichida milliard dollar yig‘gan birinchi film bo‘ldi va bir necha yil davomida kino kassalarida eng yuqori reytingga ega loyiha bo‘lib qoldi.
“Doktor Streynj: telbalik olami”
Dastlab “Doktor Streynj: telbalik olami” R reytingiga ega bo‘lgan birinchi Marvel filmi bo‘lishi kerak edi, buning uchun ssenariy bir necha marta qayta yozilgan. Natijada film yana bir super qahramonlar haqidagi odatiy jangovar filmga aylandi. Birinchi R reytingli film nomi esa “Dedpul va Rosomaxa”ga nasib etdi.
“Kapitan Marvel”
Marvel aktyorlari ko‘pincha o‘ta maxfiy tartibda ishlaydi va hatto ssenariyni o‘rganish uchun aktyorlarga matnni uyga olib ketishga ruxsat berilmaydi. Bri Larson ham xuddi shunday vaziyatga duch keldi. Unga o‘zining satrlaridan boshqa barcha so‘zlar berkitilgan ssenariy matni berildi. Suratga olish maydonida esa rejissyor, operator va bir nechta ishchidan boshqa hech kim qatnashmadi. Bri bilan bo‘lgan lavha yashil ekran fonida suratga olindi va kadr film oxirida kerakli kadrga joylashtirildi.
“Qasoskorlar: final”
“Qasoskorlar: final” filmi ssenariysini to‘liq o‘qishga muvaffaq bo‘lgan aktyor bu Kichik Robert Dauni bo‘ldi. Boshqa birorta aktyorga to‘liq ssenariy berilmagan.
Izoh (0)