«Аватар: Сув йўли» франшизаси Marvel студияси томонидан суратга олинган «Ўргимчак одам: Уйга йўл йўқ» кинокартинасини дунё бўйлаб йиғилган маблағ миқдори бўйича ортда қолдирди. Бу эса Голливуднинг машҳур режиссёри Жеймс Кемероннинг блокбастерига тарихдаги энг юқори даромад келтирган фильмлар рўйхатида олтинчи ўринни эгаллаш имконини берди.
Фильм кассада ҳозирга қадар 1,928 миллиард доллар маблағ йиғди. «Аватар 2» франшизаси АҚШдан 574 миллион доллар, халқаро ҳудудлардан 1,35 миллиард доллар тўпланган. «Ўргимчак одам» кинокартинаси эса 2021—2022 йилда умумий 1,921 миллиард доллар йиғишга муваффақ бўлди. Шу ҳафта охирига қадар «Аватар: Сув йўли»нинг касса йиғимлари 2 миллиард доллардан ошиб кетиши кутилмоқда.
Барча даврларнинг энг яхши 5 та фильми: «Аватар», «Қасоскорлар: Финал», «Титаник», «Юлдузлар жанги: Куч уйғонади» ва «Қасоскорлар: Чексизлик уруши» кинокартиналари ҳисобланади. Мутахассисларнинг тахминича, «Аватар: Сув йўли» блокбастери ушбу фильмларнинг камида иккитасини ортда қолдира олади.
Мавзуга доир:
Изоҳ (0)