“Аватар: Сув йўли” кино тарихидаги энг кассабоп фильмлар бешлигига кирди

Таниқли режиссор Жеймс Кемероннинг “Аватар: Сув йўли” блокбастери кино тарихидаги энг кассабоп фильмлар бешлигига кирди. У 2,054 миллиард доллар билан “Қасоскорлар: Абадият жанги” фильмини (2,052 миллиард доллар) ортда қолдириб, бешинчи ўринни эгаллади, деб ёзади “Film.ru”.

Олинган даромаднинг 600 миллион долларидан ортиғи АҚШ прокатига тўғри келмоқда. Ҳафта охиригача “Аватар: Сув йўли” тўртинчи ўриндаги “Юлдузлар жанги: Куч уйғонади” фильмини (2,07 миллиард доллар) сиқиб чиқаришга ҳаракат қилди. Жаҳон прокатининг учта етакчисида эса натижа ўзгаришсиз қолмоқда: “Аватар” (2,92 миллиард доллар), “Қасоскорлар: Интиҳо” (2,79 миллиард доллар) ва “Titanик” (2,19 миллиард доллар).

Аввалроқ Кемерон тарихда ҳар бири кассада 2 миллиард доллардан кўпроқ маблағ тўплаган учта фильмни суратга олган биринчи режиссор сифатида эътироф этилганди.

Мавзуга доир:

• Чарли Чаплиннинг невараси “Аватар” фильмининг учинчи қисмида суратга тушади 
• “Аватар: Сув йўли” фильми бутун дунё бўйлаб 2 миллиард доллар ишлаб топди
• “Аватар: Сув йўли” касса йиғимлари бўйича “Ўргимчак одам” фильмини ортда қолдирди