“Капитан Maрвел 2” фильми Marvel студияси тарихидаги энг муваффақиятсиз фильм деб топилди. ИГН нашри маълумотларига кўра, 275 миллион доллар бюджет сарфлаб, фильм кассасига 205 миллион доллар даромад олиб келган.
Фильм АҚШда 84,5 миллион доллар ишлади. Бу 2008 йилда чиқарилган ва омадсиз дея тан олинган ва АҚШда 138,8 миллион даромад олиб келган “Ақл бовар қилмайдиган Ҳалк” фильмидан анча кам деганидир.
Декабрь ойида Disney “Капитан Maрвел 2” фильмининг давоми учун маҳаллий ва дунё бўйлаб маълумотларини чиқаришни тўхтатди.
Бундан олдинги Marvel тарихидаги энг муваффақиятсиз фильм “Чумоли одам ва Ари: Квантомания” ҳисобланган. Фильм прокати давомида дунё бўйлаб, 476 миллион доллар, АҚШда эса 214 миллион доллардан кўпроқ даромад келтирган.
“Капитан Maрвел 2” фильмини DC студияси томонидан суратга олинган “Йиртқич қушлар” фильми билан таққосланди: “Йиртқич қушлар” фильми ҳам прокати давомида 205 миллион доллар даромад келтирган. Лекин фильмни яратиш учун “Капитан Maрвел 2” билан солиштирганда анча кам — 85,4 миллион доллар сарфлаган, шунингдек, фильм DC тарихидаги энг паст даромад олиб келган фильм сифатида қайт этилади.
Фильмнинг муваффақиятсизлиги ортида актёр ва сценаристларнинг иш ташлаши, шунингдек, Marvel раҳбариятининг етишмаганлиги сабаб сифатида кўрилган. Disney бош директори Боб Айгер пандемия пайтидаги ёмон постановка иши ва ишлаб чиқариш чекловларининг таъсир қилганини таъкидлади.
“Биз шу даражага етдикки, агар фильм жаҳон прокатида миллиард доллар топмас экан, ҳафсаламиз пир бўлади. Бу ниҳоятда юқори стандарт ва менимча, реалроқ фильмларни кўриш вақти келди”,— дейди Боб.
Изоҳ (0)