55 ёшли Ҳью Жекман Тhе Тоnight Show Starring Jimmy Fallon кўрсатувида “Дедпул ва Росомаха” фильмини суратга олишга тайёргарлик кўриш пайтида жиддий парҳез қилишга мажбур бўлгани ҳақида сўзлаб берди.
“Сиз қайнатилган тош едингизми?” дея ҳазиломуз савол берди бошловчи. Бунга жавобан актёр ҳар куни нафақат машаққатли ва фаол машғулотлар билан шуғулланганини, балки кунига фақат 6000 калория истеъмол қилганини айтди.
“Мен ўзим истаган нарсани истеъмол қилмадим. Мисол учун, пиццанинг ярмида 6000 калория бор. Аммо менга фақат товуқ гўшти, тиляпия (оқ балиқ) ва ловия ейиш мумкин эди холос. Нима учун айнан тиляпия буюрилганини ҳалигача тушунмадим”, деди Ҳью.
Актёрнинг сўзларига кўра, Жекман ушбу парҳезга ўйлаганидан кўра узоқроқ амал қилишига тўғри келган, чунки турли муаммолар туфайли суратга олиш ишлари кечиктирилаверган.
Ҳью Жекманнинг қатъий парҳези бежиз бўлмади. Фильм муваффақиятли бўлганини кўрганидан актёр ҳатто йиғлаб ҳам юборган. “Дедпул ва Росомаха” ўз энг яхши фильмлар рейтингида тобора юқорилаб бормоқда ва кино саноати тарихида энг кўп даромад келтирган фильмлар ўнталигига киришга даъвогарлик қилмоқда.
Американинг “Дедпул” фильми 2016 йилда режиссёр Тим Миллер томонидан суратга олинган фантастик комедиядир. Фильмнинг янги қисмида 2009 йилда суратга олинган “Ғаройиб одамлар” фильми қаҳрамони Росомаханинг Дедпул билан тўқнашуви бўлиб ўтади ва улар биргаликда рақибларга қарши кураш олиб боради. “Дедпул ва Росомаха” комедиясининг жаҳон премьераси 26 июль куни бўлиб ўтди.
Изоҳ (0)