“Муҳташам юз йил” – реал воқеаларга асосланган туркий тарихий драма. Сюжетда Усмонлилар империяси ҳақида ҳикоя қилинади. Сериалда бош ролларни ижро этган актёрлар орасида султонлардан бирининг авлоди ҳам бор.
“Муҳташам юз йил” сериали Султон Сулаймон давридаги Усмонли империяси тарихига катта эътибор қаратди. Сериал намойишидан сўнг томошабинлар драмадаги воқеаларни ҳақиқий ҳаётдагиси билан солиштиришни бошлади.
Айтиш жоизки, “Муҳташам юз йил” сериалини суратга олишда иштирок этган актёр ва актрисалар орасида Усмонлилар империяси султонининг авлоди ҳам бор. Бу Сулаймоннинг синглиси Хадиче образини гавдалантирган актриса – Сельма Эргечдир. Тарихий драма намойишидан кўп ўтмай, у интервьюларнинг бирида буни айтиб ўтган. Сельма Эргечнинг аждодлари Усмонлилар империясининг 30-султони Маҳмуд II бўлиб, 1808—1839 йиллар давомида тахтга эгалик қилган.
Актриса 1978 йил 1 ноябрда Германиянинг Ҳамм шаҳрида туғилган. Унинг онаси немис, отаси турк. Актрисанинг ота-онаси тиббиёт соҳасида ишлаган. Сельма туғилганидан кўп ўтмай, оила Туркияга қайтиб келган. Дастлаб улар қисқа муддат Мерсинда яшаб, кейин Анқарага кўчиб ўтган.
1995 йилда ўрта мактабни тугатгач, Эргеч Оксфорд (Буюк Британия) Ҳедингтон мактабига ўқишга кирди. 1996—1997 йилларда у Лилль шаҳрида (Франция) таҳсил олди. Бир мунча вақт ўтгач, у Истанбул университетининг тиббиёт факультетига ўқишга кирди.
Сельманинг суратга тушишига Султон Сулаймон ролини ижро этган Ҳалит Эргенчнинг агенти сабаб бўлган. Маълум бўлишича, Эргенч султон ролига маъқулланган, лекин Хадиче султон ролига актриса топилмаган. Шундай қилиб, Сельма Усмонлилар сулоласи ҳақидаги тарихий драмада иштирок этишга муваффақ бўлган.
Изоҳ (0)