Реал ҳаётда малика бўлган Болливуд кино юлдузлари (фото)

Болливуд — жозиба ва ҳашаматга тўла ўзгача дунё. Ҳар бир ҳинд қизи Болливуд маликасига айланиш орқали бу дунёга киришни орзу қилади. Аммо қуйидаги Болливуд юлдузлари аллақачон қироллик оилаларида туғилган. Бу актрисалар нафақат экранда, балки реал ҳаётда ҳам малика, чунки уларнинг томирларида ҳақиқий ҳинд маҳаражалари ва ноиблари, шаҳзодалари ва бошқа қироллик аъзоларнинг қони оқади.

Соҳа Али Хон

Соҳа Али Хоннинг отаси патаудилик Мансур Али Хон Ҳиндистон крикет жамоасининг сардори, шунингдек, 1952 йилдан 1971 йилгача Патауди ноиби бўлган. Унинг отаси томонидан бобоси Ифтихор Али Хон Патаудининг саккизинчи ноиби, бувиси Сожида Султон эса Бхопала бегойими эди. Соҳа Али Хон — расмий равишда малика ҳисобланган.

Актриса “Заъфарон ранги” (2006) фильмидаги роли билан танилган.

Рия Сен ва Райма Сен

Опа-сингиллар Рия ва Райма Сен ҳам ҳақиқий малика. Уларнинг оилаларида ота ва она томондан қироллик қони бор. Уларнинг ота томондан бувиси Барода қироли Саяжирао Гаеквад III нинг қизи ва она томондан бувиси эса Куч Беҳар маликаси бўлган. Она томондан яна бир бувиси Ила Деви жайпурлик Маҳарани Гаятри Девининг синглиси бўлган.

Опа-сингиллар Ажай Синҳа режиссёрлик қилган бенгал тилидаги “Уч бўйдоқ” фильмида суратга тушган.

Сонал Чауҳан

Сонал Чауҳан Покистон ва Шимолий Ҳиндистоннинг кшатрия табақасига мансуб оиланинг авлоди ҳисобланади. У Уттар-Прадеш штатининг Ражпут қироллик оиласига мансуб.

Жуда консерватив қироллик оиласидан бўлишига қарамай, у Болливуднинг жозибали дунёсини танлади. Сонал 2005 йилда ғолиб чиққан гўзаллик танловлари — “Ҳиндистон гўзали” ва “Туризм бўйич дунё гўзали” туфайли машҳур бўлди.

У асосан Толливуд (телугу тилидаги кинотеатр)да рол ўйнайди.

Бҳагяшри

Бҳагяшри ўзининг дебютини 1989 йилда Салмон Хон билан суратга тушган режиссёр Соораж Баржатя томонидан суратга олинган “Сени севдим” блокбастерида қилган. Кейинчалик у Болливуд билан хайрлашишга қарор қилади.

Айтишларича, Салмон Хонни кадрда қучоқлаш керак бўлганда, қиз ҳўнграб йиғлаган, у бундай саҳналарда суратга тушишни истамаган.

Бҳагяшри Maxarаштрадаги Сангли Маратҳа қироллик оиласидан. У Ҳиндистондаги Британия ҳукмронлиги даврида Сангли князлигининг охирги ҳукмрон рожаси Чинтаманрао Дҳундирао Патвардханнинг набираси.

Адити Рао Ҳайдарий

Актриса Адити Рао Ҳайдарий икки ҳинд қироллик оиласининг авлоди. Унинг онаси томонидан бобоси Рамешвар Рао Ванапарти штатининг ҳукмдори, отаси томонидан бобоси Муҳаммад Солиҳ Акбар Ҳайдарий эди.

Қиз Ҳайдарободда Аҳсан Ҳайдарий ва унинг рафиқаси Видя Рао оиласида туғилган. Адитининг отаси мусулмон, онаси эса буддавий бўлиб, браҳманлар оиласидан чиққан. Ҳайдарийнинг ота-онаси ҳам Ҳайдаробод штатининг зодагонларига мансуб.

Киран Рао

Болливуднинг яна бир юлдузи Амир Хоннинг собиқ рафиқаси Киран Рао “кучли ва мустақил” ҳинд аёли ва актрисаси сифатида танилган.

У ўзининг кучли хусусиятларини қирол аждодларидан мерос қилиб олган бўлиши мумкин. Ахир, у юқорида айтиб ўтилган Адити Рао Ҳайдарий каби Телангана Ванапарти қироллик оиласига мансуб. Айтганча, Адити ва Киран амакиваччалар ҳисобланади.

Сара Али Хон

Сара Али Хон 1995 йилда туғилган ва актрисалик фаолиятини 2018 йилда “Кедарнатҳ” романтик драмаси ва “Симмба” жанговар комедияси билан бошлаган. У Болливудда ўсиб бораётган юлдузлардан бири ҳисобланади.

Актриса актёрлар оиласида туғилган ва Британия ҳукмронлиги даврида Патауди штатини бошқарган Ифтихор Али Хоннинг невараси ҳисобланади. Бироқ Саранинг ўзи қироллик оиласи аъзолари билан алоқа қилмаслигини таъкидлайди. Келиб чиқишига қарамай, актриса ўзини мумбайлик қиз деб билади, у оддий ҳаёт кечиради ва қироллик ҳашамати ва қатъий қоидаларга амал қилмайди.