“Мерлин” сериалининг актёрлари ҳозир қандай кўринишда ва нима билан шуғулланмоқда? (фото)

2008 йилнинг сентябрида Буюк Британия кино ижодкорлари томонидан суратга олинган “Мерлин” сериалининг премьераси бўлиб ўтган эди. Ёш афсунгар ҳақида ҳикоя қилувчи картина фақатгина Британиянинг ўзида эмас, бутун дунёда машҳурликка эришган. Сериалда роль ижро этган актёрлар эртаси куниёқ машҳур бўлиб уйғонди. Сериалнинг охирги фасли 2012 йилда экранга чиққан. Мухлисларга қирол Артур ва дўстларининг кейинги фаолияти қизиқ бўлса керак-а?

Колин Морган

Суратга олиш пайтида актёр 22 ёшда бўлган. Морган учун бу бош ролни ижро этган биринчи йирик лойиҳа эди. Беш фасл давом этган сериалда мухлислар унинг образидаги ўсишни кўрган.

Картина муваффақиятидан сўнг, Морган нафақат тўлиқ метражли фильмларда, балки сериалларда ҳам роллар ижро эта бошлади. Улар орасида машҳур “Афсона”, “Одамлар”, “Овчи ва малика” ва бошқалар бор.

Шахсий ҳаётга келадиган бўлсак, Колин бор эътиборини ишга бағишлаган кўринади. Сабаби ҳозирча унинг ҳаётида ҳеч ким йўқ.

Брэдли Жеймс

Ўзининг ташқи кўриниши туфайли Жемйс тез фурсатда мухлислар эътиборига тушди. Сериал якунидан сўнг, у вақти-вақти билан кинокартиналарда кўриниб турди. Морган билан солиштирганда Жеймсда роллар кўп эмас.

Унинг иштирокидаги сўнгги картина 2020 йилда “Либератор” номи билан чиққан. Жеймс 2011 йилдан бери “Мерлин”даги ҳамкасабаси Энжел Колби билан ишқий муносабатда бўлиб келмоқда.

Ричард Уилсон

Сериалда Ричард кекса мўйсафид Гаюс ролини ижро этади. У ўзининг ижодий фаолиятини узоқ 1964 йилда бошлаган бўлса ҳам, чинакам машҳурликка “Мерлин” орқали эришган. Ёш сабабли Ричард камдан-кам ҳолларда экранга чиқмоқда.

Актёрнинг шахсий ҳаёти ҳақида маълумотлар кам.

Энжел Колби

Сериалда Мерлиннинг дўсти кейинчалик қирол Артурнинг рафиқасига айланган, Колби кинокартиналардаги фаолиятини 2001 йилда бошлаган. Ўша йили экран юзини кўрган, “Даҳшат” фильмида суратга тушиб, Британияда машҳурликка эришган. Унинг ижодида 35 га яқин турли кинолойиҳалар бор.

2008 йилда Мерлин телесериалининг тасвирга олиш жараёнида актриса Брэдли Жеймс билан танишади. Орадан уч йил ўтгач, ҳамкасблар муносабатларини маълум қилган. 2019 йилда Энжел Колби фарзандли бўлганлигини Twitter саҳифасида эълон қилди.

Кэти Макграт

Сериалда Моргана ролини ижро этган Макграт дастлаб ижобий қаҳрамон образида бўлади. Кейинчалик баъзи сабаблар туфайли сериалнинг асосий ёвуз қаҳрамонига айланади. Актриса салбий персонажни маҳорат билан ўйнаган ва шу роль орқали дунёга машҳур бўлган бўлса, ажаб эмас. Бундан ташқари, “Қирол Артурнинг қиличи”, “Супер қиз” каби кинокартиналардаги роллари билан ҳам мухлисларга яхши таниш.

У Морганнинг яқин дўст. Аввалига улар ишқий муносабатда эканлиги ҳақида миш-мишлар тарқалди, аммо актёрлар буни рад этишди.

Энтони Хэд

Британиялик машҳур актёр “Мерлин”да иштирок этишдан олдин ҳам анча таниқли бўлган. Энтони 150 дан ортиқ кинолойиҳаларда катта-кичик ролларни ижро этган. Актёр 67 ёшда бўлишига қарамай фильмларда фаол иштирок этиб келмоқда.

Энтони 1982 йилдан бери Саре Фишер билан бир оила. Уларни икки нафар қизи бор. Қизларнинг иккиси ҳам отасининг изидан бориб, мақтанишга арзигулик фильмларда иштирок этган.

Оуэн Маккен

Мухлислар Оуэнни сериални биринчи фаслида Гвейн образида кўрган. Ўзининг жаҳлдор кўриниши эвазига у тезда мухлислар эътиборига тушди ва “Тунги смена” тиббий кинолойиҳасида бош роллардан бирини ижро этди.

Миш-мишларга қараганда Оуэн 2021 йилга қадар “Қироличанинг юриши” сериалидаги Аня Тейлор-Жойс билан ишқий муносабатда бўлган.