Турк киносининг юлдузли жуфтлиги Бурак Ўзчивит ва Фаҳрие Эвженнинг фарзандлари ҳозирда қандай кўринишга эга? (фото)

39 ёшли турк актёри Бурак Ўзчивит “Чолиқуши”, “Севги изтироби” ва “Муҳташам юз йил” сериалларидаги роллари билан машҳурлик чўққисига эришганидан сўнг, мухлислар унинг шахсий ҳаётига ҳам катта қизиқиш билдира бошлади. Бироқ актёр ҳаёти ҳақида ортиқча сўзламасликка ҳаракат қилади ва оиласида бўлаётган воқеаларни кенг жамоатчиликка маълум қилишни истамайди.

Маълумки, Бурак Ўзчивит турк актрисаси Фаҳрие Эвжен билан 2017 йилда турмуш қурган. Ҳозирда улар икки нафар фарзанди ­— Каран ва Керем исмли ўғиллари тарбияси билан машғул.

Бурак иш фаолияти давомида кўп вақт сёмкаларда бўлса-да, актёр доимо оиласи ва фарзандларига вақт ажратишга улгуради. Интервьюлардан бирида у ўғилларини доимо ўзи ухлатиши ва бу жараёнга алоҳида эътибор қаратиши ҳақида айтиб ўтган.

Оилада тўнғич фарзанд Каран ҳозирда 4 ёшда бўлиб, унда ота касбига катта қизиқиш уйғонган. Каран 2 ёшидан бошлаб катта гонорар ола бошлаган. Актриса Фаҳрие ўғли билан тагликлар рекламасида суратга тушган ва 5 секундлик реклама учун болакай салкам 40 минг доллар даромад олган.

Юлдузли жуфтлик иккинчи фарзандни кутаётганини узоқ вақт сир сақлаган. Хушхабар ҳақида улар 2023 йил бошида, Караннинг туғилган куни шарафига ўтказилган байрамда хабар қилди. Ўша вақтда Ўзчивитнинг кенжа ўғли 3 ойлик эди.

Шундан сўнг Бурак оилавий тушган суратни интернетга жойлаштирди. Унда Каран қўлида туғилган куни торти билан, Фаҳрие эса қўлида 3 ойлик чақалоқ — Керем исмли кенжа ўғлини кўтариб турарди.

Бурак оталик ҳақида фикрлари билан ўртоқлашди:

“Мен ва рафиқам икки ажойиб ўғил ота-онаси эканлигимиздан ғоят бахтиёрмиз. Биласизми, мен аллақачон уйқусиз тунларга ўрганиб қолганман. Тўнғич ўғлим Каран менга бу борада яхши тажриба берган”.

Актёр сўзларига кўра, фарзандларга исмларни Фаҳрие билан биргаликда танлашган. Ака-ука ўртасида мустаҳкам дўстлик ўрнатиш учун уларга ўхшаш талаффузли исмлар қўйишган.

Юлдузлар оиласи ҳеч қандай энага ёлламасликни маъқул кўради. Бурак айтишича, фарзандлар билан бирга вақт ўтказиш унинг ҳаётидаги энг бахтиёр онлардан биридир.