“Ливерпуль” ҳужумчиси Муҳаммад Салоҳ бош мураббий Юрген Клопп жамоани тарк этганидан сўнг инглиз клубидаги келажаги ҳақидаги саволга жавоб берди.
“Мураббийнинг ўзгариши клубдаги ҳолатимга таъсир қиладими? Йўқ. Бу ҳаёт, ҳамма нарса ўзгаради. “Ливерпуль” ни муҳим футболчилар ва мураббийлар аввал ҳам тарк этган. Бир кун келиб мен ҳам “Ливерпуль”ни тарк этаман. Клоппнинг кетиши менинг келажагимга таъсир қилмайди”, —дея Салоҳнинг сўзларидан иқтибос келтирмоқда Sky Sports.
Эслатиб ўтамиз, мисрлик футболчи 2017 йилда “Рома”дан “Ливерпуль”га кўчиб ўтган эди. Жорий мавсумда Муҳаммад Салоҳ инглиз жамоаси сафида барча турнирларда 30 та ўйин ўтказиб, 19 та гол ва 10 та голли узатмани амалга оширди. Transfermarkt интернет порталига кўра, 31 ёшли футболчининг бозордаги қиймати 65 миллион еврони ташкил қилади.
Изоҳ (0)